Ministry of Presence

Agosto19,2018: Ika-kawhaan

nga Domingo sulod sa tuig

Mga Pagbasa:  Pan. 9:1-6/Sal. 34/Ef.5:15-20/Jn.6:51-58

Hulga sa  terorismo

Anaa gyud ang Ginoo diha sa bayhon sa Pan ug sa Bino. Dili kini Symbolic Presence gyud. Sa atong Pagdawat Kaniya, nahimo Siyang kabahin nato ug kita diha Kaniya. Ug kay nahimo naman kitang sama Kaniya angayan lamang nga sama Kaniya ang atong pagkinabuhi.

Ug kini mahimong molangkob diha sa kinabuhi nga mapasalamaton. Kon makita  kita sa uban sila unta magpasalamat sa Diyos tungod kanato nga nahimong panalangin alang nila.

Lintunganay

Ni Fred Languido

Hulga sa

trorismo

Makapabalaka ang hulga sa terorismo dinhi sa Sugbo. Kini tungod kay luyo sa pagpakaminus sa mga opisyal sa lalawigan, dili matago ang kamatuoran.

Sa miaging pipila ka adlaw kalit nga mitumaw ang pahimangno gikan sa United Kingdom nag-awhag sa ilang mga molupyo nga likayan ang pagbiyahe paingon sa mga lungsod sa habagatang Sugbo tungod sa hulga sa terorismo.

Human sa travel advisory, gipaniguro ni Bise Gobernador Agnes Magpale nga way basihan ang maong pahimangno.

Matud niya dili tinuod nga dunay hulga sa terorismo dinhi sa Sugbo. Apan wala pa mauga ang iyang laway, usa ka gitumbok sa militar ug kapolisan nga sakop sa bandidong Abu Sayyaf ang nadakpan sa mga sakop sa Criminal Investigation and Detection Group-7 didto sa Barangay Ocaña sa Dakbayan sa Carcar.

Si Oger Roma Pelonio, 69, giingon sa militar ug kapolisan nga “bomb expert” sa mga bandido.

Nasakmit gikan niya ang daghang armas ug mga gamit pagpanghimo og bomba, apil ang daghang cellphone nga posibling gamiton isip “triggering device.”

Diha say mapa sa dakbayan sa Sugbo. Kun imong analisahon di layo ang posibilidad nga duna gyud siyay dautang plano.

Ang pangutana, nagbinugtong ba siya dinhi o duna siyay mga kauban nga karon pabilin pang gawasnon?

Ang hulga sa terorismo seryoso ug di angayang ipakaminus ni bisan kinsa labi pa gyud sa mga opisyal sa gobiyerno sama ni Magpale.

Hinaut nakakat-on nata og leksiyon sa nahitabo niadto sa Lalawigan sa Bohol. Nahinumdom ko nga matag higayon nga dunay travel advisory ang ubang mga nasud kanunay ni nga gipagamay sa mga awtoridad hangtud nga miresulta ang wala nato damha didto sa Bohol.

Ug hinaut nakakuha og leksiyon si Magpale sa nahitabo sa Carcar nga inay moingon dayon nga way basihan, angayang susihon usa ang kasayuran aron dili masupalpal.

Nagkabuang hinuon siya og bawi sa iyang pamahayag dihang nadakpan ang gidudahang sakop sa bandido.

Dako hinuon natong konsuwelo ang kaabtik sa kapolisan nga ilang nasikop ang gidudahang terorista sa wala pa kini makahimo og kadaot dinhi sa Sugbo.