Gustong ideklarar nga patay na ang asawa

Dear Atty. Divine:

Usa ko ka single mom ug ang akong anak 6 years old na. Naa koy kapuyo karon nga maoy giilang papa sa akong anak. Gusto unta ming magminyo apan ang akong live in partner minyo ni siya 10 years ago apan paglarga sa abroad sa iyang asawa wa na mobalik sa Pilipinas kay wa man sab silay anak. Dunay nakatambag sa akong live in partner nga ipa-declare daw niya sa korte nga patay na ang iyang asawa aron makaminyo mi. Ang akong pangutana kon legal ba kining buhaton sa akong partner? Daghang salamat. — Riza

* * *

Dear Riza:

Basi sa Art. 41 sa atong Family Code kon ang usa ka tawo magminyo samtang nag-exist pa ang iyang previous marriage makonsiderar  kining void gawas lang kon sa wa pa siya magminyo ang iyang absent spouse nga wa na igkita sud sa upat ka tuig iyang gipadeklarar nga patay na sa korte. Apan kining pagpadeklarar sa absent spouse nga patay na sa korte aron ang nahibilin makaminyo pag-usab aduna kini upat ka rekisitos basi sa Art. 4119 sa atong Family  Code: 1. Nga wa na igkita ang kapikas sud sa upat ka tuig. 2. Nga gustong magminyo ang nahibilin. 3. Nga adunay well-founded belief nga patay na ang iyang kapikas nga wa na magpakita. 4. Nga adunay summary proceedings nga gihimo sa korte pagdeklarar sa absent spouse nga presumptively  dead. Sa kaso sa imong partner posibleng dili kini makalusot sa korte tungod kay ang labing importanteng  rekisitos niini nga adunay well- founded belief nga patay na ang kapikas nga wa na igkita ug mao kana ang iyang probahan sa korte. Kon ang basis sa imong live-in partner nga mi-abroad iyang asawa then wa na mo-communicate ug wa na miuli dili na igo nga basihan pagdeklarar  sa iyang asawa nga patay na. Busa mas maayong  annulment of marriage ang i-file sa imong live in partner kon gusto gyud mong magminyo apan mas maayong moduol sab siya og abogado sa inyong lugar aron masuta kon duna ba siyay ground to file an Annulment. Thanks and God bless. — Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St. Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado ug Domingo.