Gikasal sa dihang minor de edad pa

Dear Atty. Divine,

Duna unta koy pangutana labot sa akong marriage. Naminyo ko  15 years ago og duna mi usa ka anak nga karon teenager na. Nagbuwag mi sa akong bana 5 years ago tungod sa iyang pagka chick boy. Wa na gyud mi chance nga magkabalik pa tungod sa akong nahibaw- an nga aduna nay laing pamilya ang akong ex-husband ug naa na siya’y usa ka anak sa iyang kapuyo karon. Nagplano unta ko nga magpa-annul sa among marriage kay sa dihang gikasal mi  sa akong bana, 16 years old pa ko niadtong tungura ug giuswag lang ang akong edad to 18 years aron mi makasal kay nabuntis man ko.

Hinuon dunay consent sa akong parents ang among pagpakasal. Ang akong pangutana kon mamahimo ba nakong ipa-annul ang among marriage on the ground nga minor de edad pa ko sa dihang kami gikasal? Unsay dapat nako nga buhaton? Daghang salamat. — Norma

* * *

Dear Norma,

Basi sa Article 35 (1)  sa atong Family Code kini nagkanayon nga ang kaminyuon makonsiderar gyud nga void from the very beginning kon below 18 years old pa ang usa sa mga party niini bisan pa kon adunay consent sa mga ginikanan ang pagpakasal.

Sa imo nga kaso, 16 anyos ka pa lang sa dihang ikaw gikasal busa makonsiderar nga void ang imong kaminyuon apan dili sab hinuon kini automatic. Kinahanglan gyud ka nga mopasaka og Petition for Nullity of Marriage ngadto sa korte aron ma-annul ang imong marriage.

Ang una nimong buhaton mao ang pagkuha og abogado nga maoy mo-file sa imong kaso ngadto sa korte ug atol sa trial imong pamatud-an nga minor de edad ka pa sa dihang ikaw gikasal pinaagi sa pagpresentar og birth certificate ug ubang dokumento nga mopamatuod niini. Thanks and God bless. — Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.