Dili lang sa bahandi

Padayong naningkamot ang matag usa makabaton lamang og bahanding materyal. Kini tungod kay daghan nato ang nahimong naulipon sa gitawag nilang bahanding kalibutanon. Matud pa nila dili lang kuno pinaagi sa butang kita malipay.

Gamiton ang bisan unsang butang aron mas mapalambo pa ang kalambigitan sa usa’g-usa.

Apan sukwahi sa gipangandoy nga kinabuhi, nahimong hakog ang tawhanong kalibutan. Buot ipatigbabaw ang kaugalingong katuyoan nga mao ra gyud ang bahanding kalibutanon.

Usahay lisud ang pagtisok sa binhi sa paglaum hangtud mamahimong abli ug tagana ang matag usa nga  mopaambit lang gyud unta ug himoong mas mahinungdanon ang tawo kaysa butang.

Apan ang nahitabo gihimong mas bililhon ang butang kaysa tawo ug gihimong ulipon ang tawo aron mas hatagan og dakong wanang ang butang diha sa kinabuhi. Apan ang pangutana mao nalipay ka ba sa imong gihimo? Lunsay ba kini higala?