Bag-ong hepe sa CIDG-7
LINTUNGANAY - Fred Languido (Banat) - August 9, 2018 - 12:00am

Pormal na nga miasumir sa katungdanan kagahapon isip bag-ong regional director sa Criminal Investigation and Detection Group-7 ang bisaya nga si Supt. Lito Patay.

Si Patay lumad nga taga lungsod sa Enrique Villanueva sa lalawigan sa Siquijor. Sakop siya sa Kapanalig Class of 1997 sa Philippine National Police Academy (PNPA). Dugay siya nga nadestino didto sa Davao del Norte hangtud nga niadtong 2016 usa siya sa mga gipili ni Presidente Rodrigo Duterte nga mouban kaniya didto sa kaulohan aron moabag sa kampanya batok sa ilegal nga drugas.

Nahimong kontrobersiyal si Patay human mogawas ang special report sa Reuters nga naglambigit niya sa labing daghan nga kaso sa patay didto sa Quezon City. Sigun sa special report sa Reuters si Patay maoy pangulo sa gihulagway nga “Davao Boys” nga gidestino sa Station 6 didto sa Batasan Hills sa Quezon City.

Napulo sila ka buok nga naglangkob sa Davao Boys nga gipangulohan ni Patay. Sigun sa record 108 ka mga tawo ang ilang napatay atol sa operasyon batok sa ilegal nga drugas sukad niadtong Hulyo 2016 hangtud sa Hunyo 2017. Ang maong gidaghanon naglangkob sa 39 porsiyento sa kinatibuk-ang kaso sa patay nga may kalambigitan sa kampanya batok sa ilegal nga drugas lukop nasud.

Sa ato pa ngilngig og agi si Patay sa kampanya batok sa ilegal nga drugas. Niining iyang pag-abot sa Sugbo, siguradong daghan sa mga nalambigit sa negosyo sa drugas ang gikulbaan.

Kon himuon ni Patay ang iyang gihimo didto sa Batasan Hills sigurado ko nga sa mosunod nga mga adlaw mag-ihap na sad ‘ta og mga patay’ng lawas sa mga gidudahang durugista nga mapatay atol sa operasyon sa CIDG. Ang ato lang panghinaut mao nga lehitimo gyud ang tanang operasyon. Kon duna may mapatay ang CIDG-7 sa kampanya batok sa ilegal nga drugas hinaut nga kini nahitabo nga dili tinuyo ug igo lang silang nanalipod sa ilang kaugalingon.

Lisud man sab og dili na lang modepensa ang kapolisan sa ilang kaugalingon bisan og nisukol ang subject sa ilang operasyon.

CIDG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with