Khan nanghagit na usab
Subli na usab nga mipadangat og hagit ngadto ni Pinoy ring superstar Manny Pacquiao ang kanhi British champion nga si Amir Khan.
Si Khan andam nga makigharung ni WBA welterweight champion ug salig siya nga mapilde niya si Pacquiao kun mahitabo ilang sangka.
Anthony gapaabot sa Rockets
Gikataho nga gapaabot na lang ang NBA veteran nga si Carmelo Anthony sa tawag gikan sa Houston Rockets aron sabutan ang iyang pagduwa sa koponan.
Ang kanhi All-Star usa na ka free-agent human siya gi-trade sa Oklahoma City Thunder sa Atlanta Hawks nga mibuhi ra usab kaniya rasun nga mamahimo na siyang mopirma sa gusto niyang koponan. Si Melo dugay na nga gidungog nga gusto moduwa sa Rockets tungod sa amigo niini nga si Chris Paul.
Folayang may pamatud-an
Gusto ipakita ni kanhi Pinoy world champion Eduard Folayang nga dili pa siya laos atol sa iyang sangka sa One Championship karong Biyernes didto sa Mall of Asia Arena.
Ang 33-anyos nga Pinoy mixed martial arts veteran nga si Folayang makigsangka sa delikadong Russian nga si Aziz Pahrudinov.
- Latest
