Si Edgar, Mike ug Tomas
AMBOT LANG - Gerry Auxilio (Banat) - July 10, 2018 - 12:00am

Kining tulo ka pangalan ang tunog nga mag-abot sa pagka mayor sa dakbayan sa Sugbo sa bugnong lugaynon karong tuig 2019, kon madayon ang eleksiyon ug kon sila si Mike ug Edgar dili gayud magkasabot kinsa kanilang duha ang modagan.

Sa tulo, ang pangalan ni Edgar ug Mike ang problemado tungod kay kauban sila sa Barug Team Rama-PDP Laban. Ang duha miangkon nga kon dili sila magkuyog, pareho sila nga mapilde sa eleksiyon mao nga gikinahanglan nga usa kanila ang mosakripisyo sa ambisyon sa pagka mayor ug magpapili na lang sa pagka bise mayor.

Wa’y laing tumong ang duha gawas lang sa pagpilde ni Mayor Tomas Osmeña. Kon kamo ang papilion, kinsa man ni Edgar ug Mike ang gusto ninyong ikontra ni Tomas sa pagka mayor sa dakbayan sa Sugbo?

Sa inyong pagpili, iapil ninyo sa pagkonsiderar ang organisasyon. Sa duha, kinsa man kanila ang adunay organisasyon nga gikinahanglan sa pagdaog sa bugnong lugaynon? Si Mike mao ang pangulo sa Barug Team Rama samtang si Edgar ang pangulo sa PDP-Laban sa dakbayan sa Sugbo. Apan ang problema, kasagaran sa mga sakop sa PDP Laban mga sakop sa Barug Team Rama.

Dili ikalimod nga si Mike gihapon ang may kontrol sa organisasyon sa Barug Team Rama, busa kon may makuha man si Edgar sa Barug Team Rama paingon sa iyang PDP Laban, pila lang kini ka pudyot. Tungod niini, doblehon ni Edgar ang pagkayud sa pag-organisar ug pagpalapad sa iyang PDP Laban. Apan maglumbaanay man sa pagpadaghan ug pagpadako sa ilang mga organisasyon si Edgar ug Mike aron molig-on ang ilang kandidatura, dili gihapon kini makalupig sa kalig-on sa ilang puwersa, kon mag-uban silang duha.

Busa gikinahanglan nga aduna gayu’y mosakripisyo sa ilang duha kon buot man nilang wagtangon sa iyang pagtungkawo sa City Hall si Mayor Osmeña.

* * *

Happy Birthday sa akong anak, Jheremy Rey Nino nga nagsaulog sa iyang adlaw nga natawhan karong adlawa. Happy Birthday anak!

 

PDP LABAN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with