Mga pagkaong alkalina (1)

Nasayod na kita kon unsa kabililhon sa alkalina (alkaline) sa atong lawas.

Nga kinahanglan mabalanse ang temperatura sa alkaline ug asido.

Ang lawas nga naglabi sa alkaline, mao ni ang kinabuhi sa mga maayong bakterya nga modaghan kini para mohimsog ang panglawas

Sa laing bahin kon ang lawas dili abunda sa alkaline kay kulang o ubos ra kaayo ug maoy naglabi ang pagka-asidik sa atong lawas, tandogonon kita nga dali masakit, nga sagad sa nagluya o masakiton, mga asidik og kondisyon.

Kay nagluya o himatyon na nga nimenus ang produksyons sa mga maayong bakterya, nga maoy responsable sa lawas nga himsog.

Mga pagkaong alkalina (alkaline foods), unahon niini ang mga tambok nga himuong likido aron sayon na tunawon ang kinaon ug ang proseso nga masala ang mga toksin.

Niining mga alkalina, gikan sa mga tanom, sama sa mga prutas, utanon, lamas ug uban pa.

Daghan kini sila nga pagkaona, halos tanan o kapin kon kulang anaa sa 92 ka klase nga pulos tinubdan sa alkalina. Sa katibuk-an,  sa pagdukiduki sa mga eksperto kabahin niini, aduna silay nadiskubrehan.

Nga dili managsama ang mga pagkaong nakabaton og alkalina, aron mapabilin ang kahimsog sa panglawas.

Busa may gihimo silang rekomendasyon nga maoy himuong giya nato, kining naglabing unang 10 sa mga pagkaon nga nagbaton og potensyal nga elementong dasok sa alkalina. Kini sama sa mga mosunod;

* Spinach (agbate nga dagkog dahon) – kon  nagsige ka og salad nga may lettuce, panahon na nga maoy ihulip ang spinach, kay daghan kini og mga nutrens ug usa kini ka natural antacid (alkalizer) nga i-neutral ang asidik labi na sa tiyan.