Side effect sa ACV kon nagmedikasyon

Ang apple cider vinegar (ACV), nauso na kini nga gigamit sa atong panahon, alang sa pagpahimsog. Gumikan kini sa potensyal nga nabatonan sa pag-alibyo sa daghang matang sa mga sakit, o balatian.

Ang ACV, suka kini nga giproseso gikan sa prutas nga mansanas, nga dunay produkto niini para isagol sa salad, o panimpla sa mga potahe ug lain ang para sa gihimong ilimnon nga pahimsog.

Sa pagkonsumo pinaagi sa pag-inom, o pagkaon, makahatag kini og gana nga makapatagbaw sa kabusog tungod kay mopabasiyo kini sa atong ginhawaan nga kondisyon kaayo ang paminaw nato sa tiyan.

Busa, epektibo kaayo kini ilabi na pagpamenos sa naghinubra nga kabug-at sa atong timbang, nga nagbusdik sa labihang katambok, kay nagbaton kini og gamhanan nga anti-fungal ug antibakteryal, nga makapaalibyo sab sa impeksyons sa pangagod ug sa athlete foot.

Gawas pa niini, nadiskobrehan sa mga pagtuon didto sa China, nga ang ACV, mopamenos og 37% nga risgo nga makanser sa totunlan. Ang ACV, nagbaton og acetic acid, nga mopaubos sa presyur sa dugo, o hayblad, ug sa pagkontrol sa normal nga lebel sa dautang kolesterol. Mao nga mapugngan nga dili kalihok ang kanser.

Ang anti-glycemic sa ACV, makapaalibyo sa diabetes, ug mosanta sa paghilis sa mga harina, nga maoy hinungdan sa pagsaka sa lebel sa bloodsugar.  Daghan pa nga kaayohan ang mahatag sa ACV sa atong panglawas.

Apan makadaot sab ang ACV, kon ikombinar kini, o dunganan sa ubang mga medikasyon, kay makagrabe kini sa sayd-epek sa maong tambal nga gitumar. Motumaw ang mga isyu sa panglawas, kay pakubson niini ang potassium sa lawas.