Ang kooperatiba
AMBOT LANG - Gerry Auxilio (Banat) - June 12, 2018 - 12:00am

Niadtong Hunyo 10, ang konseho sa Barangay Quiot ning Dakbayan sa Sugbo miadto sa Barangay Lamac, lungsod sa Pinamungajan aron bisitahon ang gibantog nga Lamac Multi-Purpose Cooperative nga maoy nagpadagan sa sikat nga Hidden Valley Mountain Resort.

Ang resort aduna kini swimming pool nga mora og dagat tungod kay mobawod kini bali’g 15 minutos sa matag 45 ka minutos. Aduna usab kini daghan nga mga kwarto, gym, kalbaryo, zipline ug uban pa nga makatagbaw sa imong panan-aw.

Apan sa among pag-abot, among nahibaw-an nga dili lang diay Mountain Resort ang gipadagan sa kooperatiba, dihang gidala ug gisuroy kaming mga konsehal sa Barangay Quiot ni Mam Ellen Limocon, pangulo sa kooperatiba sa ilang gipadagan usab nga organic farming.

Didto among nakita ang daghang pabo, manok, baboy, baka ug kabaw, ug natilawan ang produkto sa farm sama sa gatas sa kabaw ug asukar nga hinimo gikan sa tubig sa lubi. Husto si Ronald Reyes sa Ramon Aboitiz Foundation sa iyang giingon sa iyang facebook page, nga ang Lamac usa sa malampusong sugilanon sa kooperatiba nga gipangulohan ug gipadagan sa komunidad.

Kini ang rason nga ang mga sakop sa konseho sa Barangay Quiot miadto sa Lamac aron magpakisayod ug magpatudlo sa kadagkoan sa Lamac Multi-Purpose Cooperative  kon giunsa sa pagdumala ang kooperatiba nga kusog man kaayo ang paglambo niini.

Dili ikalimod nga ang maong kooperatiba dako kaayo og gikatampo sa pag-uswag sa Barangay Lamac. Gani sa akong nakita katumbas na sa usa ka lungsod ang paglambo sa usa ka barangay nga sakop sa Pinamungajan.

Ang kooperatiba dako gayud kaayo og ikatabang sa komunidad ug sa kinabuhi sa mga sakop niini ug kini ato nga nakita sa mga dagkong kooperatiba nga atong nahibaw-an, mao nga ang gobiyerno wala masayop sa paghatag og ayuda niini.

HIDDEN VALLEY MOUNTAIN RESORT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with