Gisayo sa employer ang effectivity sa resignation sa employee

Dear Atty. Divine,

Nagtrabaho ko sa usa ka company for five years na. But lately, nag-change sila og branch manager nga estrikto kaayo ug sige lang og pangasaba sa mga empleyado.

So I decided to resign kay dili na ko happy sa akong work. I submitted a resignation letter dated April 15, 2018, so the effectivity of my resignation is supposedly May 15.

But my employer sent me a letter ug ilang gisayo ang effectivity sa akong resignation to April 30. Ang akong pangutana kon husto ba ang gibuhat sa akong employer? Dili ba 1 month notice man ang gi-require sa balaod? — Linda

Dear Linda,

Ang atong Labor Code nagmando sa empleyado nga mo-resign sa paghatag og at least, one month notice sa employer. Kini aron ang employer makapangita og tawo nga ikapuli sa mi-resign nga empleyado ug aron adunay proper nga turn-over sa trabaho.

Apan wa’y balaod nga nagdili sa employer sa pagsayo sa effectivity sa resignation sa employee kay prerogative kana sa management. Gani ang Supreme Court may mga decided cases na labot niini nga nagkanayon nga dili makonsiderar nga malicious kon gisayo sa employer ang effectivity sa resignation sa employee kay makonsiderar kana nga prerogative sa management.

Busa kadtong gihimo sa imong employer paghimong April 30 sa effectivity sa imong resignation, instead of May 15, dili kadto makonsiderar nga kalapasan sa balaod kay ang 30-day notice gitumong lang aron makapangandam ang employer ug makapangita og hulip sa mi-resign, busa kon wa na siya magkinahanglan og hulip, then mahimong dili na siya mohuwat og 1 month. Thanks and God bless.- Atty.  Divine

* * *

Alang sa inyong pangutana ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa  akong column matag  Miyerkules, Sabado ug Domingo.