Kawani sa City Hall drug user
CEBU, Philippines – Usa ka kawani sa Cebu City Hall nga nadestino sa City Disaster Risk-Reduction and Management Office (CDRRMO) napositibo sa gihimong drug test kaniadtong Biyernes.
Matud ni Garry Lao, pangulo sa City Office for Substance Abuse Prevention (COSAP), nga sa 134 ka kawani nga nadestino sa maong opisina, ang 103 lang ang nakatunga sa drug test, ug usa kanila ang napositibo.
Si Lao nag-andam na og report aron isumiter sa opisina ni Mayor Tomas Osmeña karong Lunes, uban sa rekomendasyon nga taktakon ang maong kawani.
Matud ni Lao nga wala mausab ang baruganan ni Mayor Osmeña nga gusto gyud nga wagtangon ang tanang mga drug user nga kawani sa Cebu City Hall.
Karong semanaha, gipaabot nga may mga kawani na usab sa ubang departamento sa City Hall ang pakalitan og drug test aron pagsuta kinsa kanila ang mga drug users. (RUB)(BANAT NEWS)
- Latest
