2 ka saging kaonon kada adlaw (3)

Mokalit lang og suol ug usahay mohapdos ang tiyan nga mora’g pirme gigutom, mao nga usahay molabad ang ulo nga kalipongon.

Mao ni ang sagad sintomas sa kabuhi, nga niini ang saging dako og matabang nga hupayon ang problema.

* Enerhiya — Ang potassium sa saging, moprotehir sa kaunoran ug kaugatan gikan sa pamikog (cramps). Samtang ang carbs sa saging, naghatag sa lawas ug hunahuna og kusog, o enerhiya, aron sa tibuok adlaw mopiskay kita nga magamit nato sa mga gimbuhaton ug sa pakusog (work-out). Lahi sa ubang prutas, inanay ang suplay sa enerhiya niini sa pangutok ug panglawas, aron dili kita dali nga kapoyon.

* Anemia — Mao kini ang kakulang sa iron (anemic), mao nga huyhoy kanunay wa’y kusog, kapoy pirme ang pamati sa lawas. Direkta nga makatabang niini ang saging, kay nagbaton kini og dasok sa iron. Padaghanon ang prodaksyon sa ‘hemoglobin’, aron pagpataas sa lebel sa pulang dugo (redblood cells) ug makaabag sa pagpanormal sa katibuk-ang sistema sa sirkulasyon sa dugo.

* Ulcers — Ang saging ra tingali ang makapas-us-os sa subrang asido sa tiyan, pinaagi nga pabag-on pagbalik ang nahilis nga hapin sa estomago (stomach lining). Ug aron sab mawala ang kahapdos, o panakit sa iritasyon sa sakit nga ulser sa tiyan. Ang saging nagbaton og ‘protease inhibitors’, pawagtang sa makadaot nga bakterya, nga may kalabtanan sa pagdebelop sa ulser sa tiyan.

* Konstipasyon —ang ‘fibers’ sa saging, makatabang kini sa pagpahumok sa hugaw nga mapagawas sa lawas, ug ibalik ang normal nga pagkalibang.

* Kaugtas ug kabalaka (stress & anxiety) — Abunda ang saging sa ‘thrythopan compound’ aron himuong ‘serotonin’ para pakalma sa utok, nga usbawan ang oxygen niini, ug mga B vitamins, pahapsay sa nerbiyos ug kabuot.