Palas-anon ni Rama
SAKSAK SINAGOL - Lucky P. Malicay (Banat) - May 23, 2018 - 12:00am

Usa ka tuig pa una ang eleksiyon apan sige na og tagawtaw si kanhi mayor Michael Rama sa siyudad sa Sugbo nga modagan gayud siya sa piniliay aron kuhaon niya pag-usab ang renda sa pangagamhanan sa dakbayan. 

Hagbay ra nga nagpalupad si Rama sa iya nga intensiyon nga modagan siya pag-usab batok kang Mayor Tomas Osmeña, kinsa iya nga gipasanginlan nga mitikas kaniya niadtong piniliay sa 2016 sa dihang gilubong siya ni Osmeña og mosubra sa 30 mil ka botos.

Dugang nakapaengganyo sa kanhi mayor mao ang survey nga giingo’ng gikan sa Social Weather Station nga nagpakita nga maayo ang iyang trust rating sa mga Sugboanon.

Gani mas taas pa kuno ang iyang rating ikumpara kang Presidential Assistant for the Visayas Michael Dino.

Hinuon walay makapugong ni Rama kon tinud-on gyud niya ang iyang intensiyon. Misagop kita sa demokrasya diin patas ang tanan nga adunay katungod pagdagan alang sa unsa mang posisyon sa kagamhanan basta kwalipikado lamang kini.

Apan ang problema mao nga delikado kon mabuak ang oposisyon kon tinud-on gayud ni Rama ang pagdagan pagka-mayor.

Kini tungod kay daghan ang nagtuboy karon sa iyang kaalyado nga si Bise Mayor Edgardo Labella nga maoy moparang kang Osmeña sunod tuig.

Sa akong nakita, taliwala ni Rama ug Labella, mas adunay tsansa si Labella batok ni Osmeña. Usa sa rason mao nga suportado si Labella sa partido sa administrasyong Duterte nga mao ang PDP-Laban. Gani si Labella man ang lokal nga tsirman sa maong partido.

Usa sa dakong palas-anon ni Rama nga mahimo unya nga dakong isyu panahon sa kampanya mao ang alegasyon sa iyang pagkalambigit kuno sa negosyo sa gidiling druga. Atong mahinumdoman nga mismo si Duterte ang mialegar niini.

Nagkapuliki karon si Rama og panagang sa maong akusasyon. Sige karon siyang panayming nga makatagbo si Duterte aron paghugas sa iyang mga kamot gikan sa maong alegasyon.

Apan matag tagbo niya sa presidente walay suwerte ang kanhi mayor tungod kay dili siya makapabuhagay sa iyang eksplinasyon.

Delikado kon maputos sa yaga-yaga sa druga si Rama panahon unya sa kampanya kon modagan gayud siya pagka-mayor. 

Mao gani nga mas maayong unahon niya ang misyon paglimpiyo sa iyang ngalan gikan sa alegasyon sa druga kay sa mobuwelo na siya sa iyang politikanhong ambisyon nga walay kasigurohan.

MICHAEL RAMA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with