EDITORYAL – Pagtuyok sa panahon
(Banat) - May 17, 2018 - 12:00am

Minghoy kaayo karon ang mga alyado sa Barug-Team Rama tungod kay nagkaut-ot na ang ilang gidaghanon. Gikan sa 65 ka kapitan sa barangay nga kaalyado sa ilang grupo, 31 na lang sila karon. Pipila ka adlaw gikan karon, maibanan na usab sila kay sigurado nga may molayas sa ilang pundok.

Pipila ka kapitan nga alyado sa Barug-Team Rama dugay ra nga namarayeg sa kadagkoan sa Bando Osmeña Pundok Kauswagan (BOPK) nga moipon sila pagbalik sa pundok sa mayor. Apan si Mayor Tomas Osmeña miingon nga human na sa barangay elections siya mohukom kon dawaton ba ang maong mga kapitan. Ang katapusang himoon sa mga alyado sa Barug-Team Rama nga dawaton sila sa BOPK mao ang pagsuporta sa kandidato pagka presidente sa Association of Barangay Councils (ABC) nga paluyohan sa mayor.

Hinoon, bisan og wala pa’y motapon ngadto sa BOPK, sigurado na gyud nga ang sunod nga presidente sa ABC, kaalyado sa BOPK kay 49 sa 80 ka kapitan nga midaog sa barangay elections dinhi sa dakbayan sa Sugbo kaniadtong Lunes, mga kaalyado sa ilang pundok. Dili ikalimod nga daghan gyud sa mga kapitan sa barangay, ang moabin sa administrasyon aron nga dali ra silang makakuha og mga proyekto nga iderekta sa pagpaagi kanila.

Mao usab kini ang nahitabo kang Mayor Osmeña diha nga dili na siya mayor ug wala na sa katungdanan, kay bisan ang iyang mga suod nga kapitan sa barangay, nibali sa pagsuporta sa administrasyon ni kanhi mayor Michael Rama, apil na gani ang kapitan nga kaniadto wala gyu’y gusto nga si Rama mahimong mayor.  Nabantayan gani nga kadtong mga kapitan nga kusog kaayong midaot ug misaway ni Osmeña, kadaghanan nangapilde, ug ang uban nga midagan na lang pagka konsehal, igo na lang nangiwit.

 

EDITORYAL
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with