EDITORYAL – Mayoriya na unya ang BOPK
(Banat) - May 16, 2018 - 12:00am

Sayon na lang kaayo sa mga konsehal nga alyado sa Bando Osmeña Pundok-Kauswagan ang pagpalabang og mga balaudnon diha sa Cebu City Council. Sigurado na nga pipila ka adlaw gikan karon, ang mga alyado sa BOPK maoy ilhon nga gamhanan sa konseho kay sila na man unya ang mayoriya.    Kadaghanan sa mga midaog nga kapitan sa kabarangayan dinhi sa dakbayan sa Sugbo, mga kaalyado ni Mayor Tomas Osmeña, ug sigurado gyud nga gikan sa ilang grupo ang mapili nga presidente sa Association of Barangay Councils (ABC) nga molingkod isip ex-officio member.

Mosamot kalig-on ang BOPK diha sa City Council kon kaalyado nila ang kadaghanan sa mga midaog nga tsirman sa Sangguniang Kabataan (SK) ug alalay nila ang mapili nga presidente sa ilang pederasyon nga molingkod isip ex-officio member diha sa konseho. Wala gyud pakyasa sa mga botante ang mayor nga nanghangyo nga suportahan ang iyang mga kaalyado nga kandidato aron nga dili na sila maglisud sa paghimo og mga lakang nga makapalambo sa dakbayan.

Usa sa gitinguha nga proyekto ni Mayor Osmeña nga wala magmalampuson tungod sa kakuwang nila og sakop diha sa City Council, mao ang pagmugna og daghang infrastructure projects sa kanhi Kawit Island nga kabahin na karon sa South Road Properties. Ang siyam ka alyado sa Barug Team Rama, mibasura sa tinguha nga tugotan unta ang mayor nga makapirma og kontrata uban sa kadagkoan sa Universal Hotel and Resorts Inc. (UHRI) nga maoy motukod sa P18 Bilyones nga proyekto.

Ang pangutana kon mahimo pa ba nga isumiter pagbalik sa konseho sa dakbayan ang maong gibasura na nga resolusyon, kon mahimo na nga mayoriya ang mga konsehal sa BOPK? Samtang dili pa siya sigurado, apan si Vice Mayor Edgardo Labella miingon nga mora’g may lagda nga basta gibasura na gani sa konseho, magkinahanglan na kini og labing menos 2/3 votes sa mga konsehal kon isumiter pagbalik ang maong legislative measure.

EDITORYAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with