EDITORYAL – Pilia gyud ang moserbisyo
(Banat) - May 9, 2018 - 12:00am

Ang mga kandidato nga nagpapili karon pagka opisyal sa kabarangayan, pulos gyud misaad nga moserbisyo sila pag-ayo sa katawhan kon makadaog sa gidaganan nilang katungdanan. Ang ilang gihimo wala’y kalainan sa gipangsaad sa mga tawo nga anaa karon sa pwesto, apan wala makatuman sa ilang saad.

Dili ikalimod nga dunay mga tawo nga milansar og katungdanan sa barangay tungod sa dagko na kaayong honorarium nga ilang madawat, ug sa uban pa nga benepisyo, kon anaa na sila sa gahum. Subo kaayo hunahunaon nga bisan sa kadagko na sa honorarium sa mga opisyal sa barangay, apan daghan gihapon kanila ang wala’y maayong serbisyo sa katawhan.

Daghan sa mga opisyal sa barangay makit-an lang nga mosuroy sa mga sityo panahon nga adunay piyesta, ug ang uban makita lang nga moadto sa lainlaing dapit kon mangampanya na pag-usab. Dunay mga opisyal sa kabarangayan nga mokalit lang pagkamatinagdanon panahon sa kampanya.

Isip mga lider sa kabarangayan dili kinahanglan nga magpaubay-ubay lang siya sa kabubut-on sa katawhan, apan angay sila nga mobarug gyud kon unsa’y tukma base sa gimbut-an sa balaod. Ang usa ka lider sa barangay nga susama ra sa sagbot nga lusay, nga kon asa hapakon sa sulog, adto usab mapilay, dili kini angay’ng palingkuron sa pwesto sa barangay.

Kinahanglan nga ang pilion nga opisyal sa barangay mao kadtong mga tawo nga makamao nga mopatuman og mga lagda aron nga hapsay ug dili gubot ang iyang barangay, ug labaw sa tanan mapalambo niya ang kahimtang sa iyang mga lumolupyo. Mentras may pipila pa ka adlaw sa dili pa ang barangay elections karong Lunes, angay’ng hashasan pag-ayo sa mga botante kon kinsa ang ilang kandidato nga ilang pilion.

Kinahanglan nga dili kamo mopili og kandidato nga ang basehan tungod lang kay inyong mga suod ug mga paryente,kon dili, ang tan-awon ninyo kon matinud-anon ba sila nga moalagad kaninyo nga wala mag-agad sa dagkong sweldo.

CANDIDATES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with