Sekreto aron maka-memorya dayon
Kadaghanan nato, linga kaayo sa pag-akatar sa mga kaakohan sa kinabuhi. Kanunay’ng anaa sa sitwasyon nga dili dayon makamemorya, o makahinumdom sa usa ka gamay nga detalye gikan sa partikular nga panghitabo.
Sama nga sa makadaghang higayon, kanunay nga mosuna sa ngalan sa tawo nga iyang gikahimamat, o kaha sa ubang detalye, sama pananglit sa nabasahan nga libro, o natan-awan nga salida sa TV, o sa videos.
Angay nga ato kining matagad, dili kita magpakawala sa paglaum, kay dako pa ang purohan nga molambo pagbalik, ang kasayon nga dali ra kita makahinumdom. Si Hermann Ebbinghaus, usa ka German nga psychologist, nakabaton og kaikag niining bahina sa ‘human memory.”
Nakahukom siya sa paghimo’g eksperimento, niadtong 1870. Nagsugod siya sa paghimo og maayo nga sayantipikanhon nga pagsukod sa memorya. Iya ning gimugna, nga gibase sa listahan sa mga wa’y pakabana nga gigamit sa pag-ayag sa puro, o tiunay nga pagkat-on, ang gawasnon nga kahulogan sa pagkat-on.
Niya pa, ang pagkat-on sa bag-ong inpormasyon, makaapektar usab kini sa atong kahibalo nga gibase kini sa eksperimento, gikan sa sulod sa ginagmay nga materyales, hangtud ngadto sa wa na’y makab-ot nga kahulogan.
Ang iyang nakaplagan, gipadayag sa sitwasyon nga hapit na malimot sa bag-ong inpormasyon sa dihang gisulayan niya mismo sa kaugalingon, ingon sa nalimtan gyud niya kini.
Ang kabililhon sa gibug-aton sa inpormasyon sulod sa 20 minutos. Labaw sa katunga sa materyales sulod sa usa ka oras. 2/3 sa materyales nga nakat-onan sulod sa usa ka adlaw, ug ubang inpormasyon nga nahibilin sa memorya. Sa ato pa, ingon niini lang ang sitwasyon sa kusog nga pagtuhop sa memorya.
- Latest