Gusto nga magminyo nga wa’y pagtugot sa ginikanan
Dear Atty. Divine,
Ang akong amiga nga classmate nako sa college gusto na nga magminyo. Ang iyang boyfriend nga gustong mangasawa niya, wa magostuhi sa iyang mga ginikanan.
Kini maoy hinungdan nga wa niya sultii ang iyang parents nga magminyo na siya. Ang akong pangutana kon mahimo ba nga legal ang ilang kaminyuon bisan kon wa’y pagtugot sa ginikanan nila ang ila unyang pagpakasal? Daghang salamat. — Mary
Dear Mary,
Base sa Article 5 sa atong Family Code, ang si bisan kinsa nga nagpangedaron og 18 anyos pataas, ug wa’y kabilinggan nga magminyo, mahimo nga magpakasal.
Apan ang atong balaod adunay additional requirements nga kon ang gustong magpakasal nagpangidaron pa lang og 18 anyos ngadto na sa 21 anyos, base sa Article 14 sa atong Family Code kinahanglan sila nga mangayo og Parental Consent sa mga ginikanan, o guardian.
Kini pinaagi sa personal nga pag-appear niini sa Civil Registrar, o pinaagi sa pag-execute og Affidavit. Sa kaso sa imong amiga magdepende kini kon pila’y ilang edad kay kon between 18 to 21 years old pa ang ilang pangedaron, then gikinahanglan gyud ang consent sa ilang mga ginikanan, or else mahimong ipa-annul ang ilang kaminyuon base sa Article 45 (1) og Article 47 (1) sa atong Family Code. Thanks and God bless. —Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_ [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest