Ang resipe aron makatulog dayon

Kon dili ka makatulog nga nag-alindasay sa kabalaka sa pagpiyong panahon sa kagabhion, ingon sa idlas kaayo ang atong pagpahulay nga mahinanokon. Kining tema sa resipe nato karon, posible nga makahimo kini og milagro kon atong sulayan.

Matud pa, milyones sa katawhan sa tibuok kalibutan, nag-atubang niining isyu nga hamokon sa kahasol nga tukawon ug dili dayon makatulog. Tungod niini daghan ang nag-antos sa sakit nga insomnia, ug kini nakaapektar nga negatibo ang epekto niini sa inadlaw nato nga pagpakabuhi.

Hinuon, dili angay nga madesperado kon usa ka niini sa naproblema, kay dunay daghang natural nga remedyo niini nga mopabalik sa normal nga pagtulog, nga inigmata nimo sa buntag, kondisyon kaayo ang pamati mo nga ingon sa piskay o presko nga maayo ang atong kabuot (good mood). Ania, atong sundan ang mga mosunod;

(1) Kini nga katingalahang resipe, naglangkob sa 3 ka ingrediyentes, nga ang pag-andam niini simple ug sayon ra kaayo, nga kon makonsumo na nimo kini, makatulog ka na nga sama sa bata nga nahinanok. Mga ingrediyentes – ¼ sa kutsarita sa ‘pure raw honey’, ¼ sa kutsarita sa ‘seasalt’, ug 1 ka kutsara sa ‘cold compressed’ nga coco oil (extra virgin).

Tanang ingrediyentes niini, pulos mahinungdanon, nga epektibo kaayo nga makapahuway nga malinawon ang hunahuna ug imong lawas. Gawas niini, ang kombinasyon sa sangkap niini nga resipe, mopaubos ni sa epekto sa ‘cortisol’ nga maoy motigaw nga madisturbo ang atong paghinanok.

Ang preparasyon ug paggamit sa resipe, para sa labing maayo nga resulta, mas konsomuhon kini  panahon sa dayon nga mohigda na. Dunay 2 ka paagi sa pagkonsumo niini. * Opsyon #1 -  isagol ang ‘coco oil’ ug ‘raw honey’, dayon isunod ang asin. Kutawa og moinom ka niini og usa ka kutsara.