Mga opisyal sa barangay ipangkiha?
RENBOR PATROL - Rene U. Borromeo (Banat) - March 13, 2018 - 12:00am

Tinuod ba nga ang mga kapitan sa kabarangayan, ilabi na dinhi sa dakbayan sa Sugbo, gipasidan-an sa kadagkoan sa PNP Criminal Investigation and Detection Group (CIDG)-7 nga kon magpadayon ang mga ilegal nga sugal sa ilang dapit pasakaan sila’g kaso?

Estrikto kuno kaayo ang labaw’ng opisyal sa CIDG dinhi sa Central Visayas kay giingon nga pinili gayud kini ni Presidente Rodriqo Duterte ug gitahasan nga ipasumpo ang mga ilegal nga kalihukan dinhi sa Sugbo.

Aw, nindot kaayo kini kon tinuod man. Apan nahibulong ko kay diha sa Barangay Ermita, nagpadayon man ang mga ilegal nga sugal sama sa video karera, moli-moli, ilegal swertres, ug labaw na gyud ang shabu.

Ngano nga wala man lagi kini masumpo ug ambot kon nakigtambayayong ba ang mga opisyal sa barangay ngadto sa mga otoridad aron masumpo ang mga ilegal nga kalihukan.

Wala man malilong sa mga otoridad nga dunay operator og video karera nga maoy nagpadagan og gambling machines sa Ermita. Sa Barangay Pasil ug Suba, duna say mga video karera ug moli-moli.

Sa Tejero ug Lorega-San Miguel, duna sab. Ang sa Tejero naa kini mahimutang sa mga dapit likud nga bahin sa karaang provincial jail. Ang akong informer mitug-an nga may mga polis nga mag-anhaan sa mga balay nga gipangbutangan og video karera ug moli-moli.

Unya, ang illegal swertres, wala gyud hilabti bisan og daghan kaayo ni dinhi sa dakbayan. Ngano man?

* * *

Matud pa nga gisakripisyo kuno sa mga opisyal sa Toledo ang katawhan sa ilang dapit pinaagi sa wala paghatag og pagtagad aron makapadayon pag-operate ang ospital sa siyudad.

Ang nindot nga himoon sa taga Toledo mao ang pagtimaan kon kinsa kini nga mga opisyal nga mihimo og grabe nga pamolitika. Wala sila magtan-aw nga makaserbisyo sa katawhan, ug ang ilang gipalabi mao ang ilang kaugalingong interes.

Mas maayo pa og hangyuon nato ang akong higala nga si Ricardo “Kuya Nick” Pepito nga mobalik sa politika ug maoy modagan sa pagka mayor sa Toledo. Dihang konsehal pa si Kuya Nick sa Toledo, nabantayan gyud sa katawhan nga serbisyo sa katawhan ra gyud ang iyang gihimo.

Sigurado ko nga bisan sa ka-busy ni Kuya Nick tungod sa daghan niyang negosyo, apan may oras gihapon siya pagserbisyo sa mga Toledohanon. Wala na gyud intawon makaserbisyo sa katawhan ang ospital sa Toledo kay wala na’y ikapanuweldo, sa mga kawani kay wala kuno gahini og budget.

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with