Paniguro
AMBOT LANG - Gerry Auxilio (Banat) - March 13, 2018 - 12:00am

Tungod kay nagkadako ang kahigayonan nga madayon ang dungan nga piniliay sa Barangay ug Sangguniang Kabataan karong Mayo 14, ang Commission on Elections (COMELEC) mipagawas na og Resolution No. 10246 nga nagdetalye sa mga angayan nga himuon ug mahibaw-an niadtong gusto nga mokandidato sa umaabot nga piniliay.

Ang election period magsugod sa Abril 14 hangtud sa Mayo 21. Kadtong gustong magpapili pagka opisyal sa barangay kinahanglan nga moduso sa ilang Certificate of Candidacy gikan sa Abril 14 hangtud sa Abril 20. Unya, gikan sa Mayo 4 hangtud sa Mayo 12, mao ang siyam ka adlaw nga gitugot alang sa mga kandidato nga makapangampanya.

Sa Mayo 13, bisperas sa piniliay, gidid-an na ang mga kandidato sa pagpangampanya; samtang sa adlaw sa piniliay, Mayo 14, ang mga botante gitugotan lang sa pagbotar gikan sa alas 7 sa buntag hangtud sa alas 3 sa hapon.

Gawas niini giawhag usab sa COMELEC ang mga botante sa pagpili sa mga kandidato base sa ilang mga plata porma de panggobiyerno ug dili sa kuwalipikasyon sa mga kandidato.

May punto ang COMELEC sa iyang sugyot ngadto sa mga botante nga ibase ang pagpili sa kandidato sa ilang plata porma de panggobiyerno, pero ang pagbaliwala sa qualification sa kandidato dili maayo tungod kay ang qualification sa kandidato gikinahanglan kini sa pagpatuman sa iyang plata porma de panggobiyerno.

Mao nga ang akong sugyot ngadto sa mga botante, pilia ang kandidato base sa ilang plata porma de panggobiyerno ug kuwalipikasyon.

Panahon na nga patas-an ang kalidad sa pagboto ug kini pinaagi sa pagpili sa mga kandidato base sa plata porma de panggobiyerno nga ilang ipresentar panahon sa pagpangampanya.

Dinhi makaseguro ug makapili ang mga botante kinsa gyud ang pilion nila nga kandidato. Karon gud ang mga napili sa eleksiyon mao pa’y paghunahuna og unsa’y ilang buhaton human sila nidaog.

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with