Ang Krus nga imong pas-anon

Ang krus mahimong sabton nga imong responsibilidad o problema sa kinabuhi. Mahimo pud nga imong sabton nga imong ikauban sa kinabuhi karelasyon man o trabaho. Apan bisan unsaon pa nato kabahin gyud sila sa atong paglambo. Sa atong panaw sa kinabuhi dili lang haom nga mag-ampo kita og sayon nga kinabuhi. Hinunoa atong ampoon nga unta makabaton kita og kalig-on sa pagsagubang sa bisan unsang lisud kay pinaagi sa pagpas-an sa Krus uban ang pagsalig. Makita nato ang kalainan sa atong pagkatawo human nato masinati ang kapakyasan.