Palpak sa DPWH
RENBOR PATROL - Rene U. Borromeo (Banat) - February 13, 2018 - 12:00am

Ang kadagkoan sa Department of Public Works and Highways mura’g naanad na lang gyud sa pagpahigayon og mga proyekto nga maglungag sa atong mga karsada.

Gawas nga makahatag kini og kakuyaw sa kinabuhi sa mga motorista, nakatampo usab kini sa grabeng problema sa trapiko. Ang mga kontraktor nga gi-hire sa DPWH dugay kaayong makahuman sa ilang proyekto ug dili makabantay niini ang publiko.

Abi ninyo’g ngano? Ang DPWH pakyas sa pag-monitor sa ilang mga kontraktor nga magbutang sila og billboards nga magmantala sa matang sa proyekto nga ilang gihimo, kantidad sa kontrata, ngalan sa kontraktor nga nagtrabaho, ug labaw sa tanan kon kanus-a kini mahuman.

Gilatid usab kini sa lagda sa Commission on Audit (COA) apan gibaliwala lang sa mga kontraktor. Wala ba kamo makabantay nga basta maghinangat na gani ang tunga-tunga sa tuig, bisan unsa na lang ang proyekto sa DPWH. Adunay mga karsada nga maayo pa, ilang tuyoon sa pagguba aron lang may proyekto nga mahatag sa kontraktor.

Nadungog na nga ang kontraktor mohatag gyud og komisyon sa matag proyekto nga ilang makuha. Kon tinuod man kini, kon daghan og proyekto ang DPWH, daghan og kuwarta ang mga opisyal. Tungod niini mahimo nilang suod ang mga kontraktor ug dili na sila makaestrikto kanila.

Tan-awa kadtong nahitabo sa electrical engineering graduate nga si Norman delos Reyes nga namatay tawon kay samtang nagsakay sa iyang motorsiklo, natambog ngadto sa bangag sa gihimong drainage project nga wala butangi og ali sa kontraktor didto sa Talisay City.

Wala gyud kita makadungog kon unsa’y gihimo nga aksiyon ni DPWH-7 Regional Director Ador Canlas ngadto sa kontraktor. Wala usab kita makadungog kon unsa’y gihimo ni Director Canlas ngadto sa ilang mga project inspector nga pakyas pagtuman sa ilang trabaho.

Nakadungog ko nga P47 milyones ang kantidad sa open drainage project sa DPWH diha sa first district. May mitug-an kanako nga sa miaging tuig, may mga kontraktor sab sa DPWH nga pwerteng nakapamangag sa karsada didto sa Linao, Minglanilla, apan ang maong proyekto wala makasulbad sa baha. Lawom na hinoon ang lunop kon mag-uwan.

Pastilan no, kon tinuod man nga ang kontraktor mohatag og komisyon sa kantidad sa proyekto nga ilang makuha ngadto sa mga opisyal sa kagamhanan, kadako sa kantidad no? Pila kaha ka opisyal ang magbahinay niini?

Usahay, ang DPWH makalimot na lang sa proyekto nga wala nila ayoha pag-monitor. Diri lang sa dalan Colon ug D. Jakosalem, naghimo sila og dakong sapa (drainage project) nga karon wala pa mahuman. Ang uban niini, wala makabantay, abi nila og nahuman na, apan ako nagpaniid lang. Dugangan ko kini unya, aron masabtan pag-ayo.

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with