Mapugos ba ang guarantor pagbayad
LEGAL CORNER - Atty. Divine Marcial-Flores (Banat) - January 27, 2018 - 12:00am

Dear Atty. Divine,

Ang akong igsuon nangutang sa financing ug ako ang nagsilbi nga guarantor. Ang iyang utang payable for 1 year, apan ang iyang nabayran katunga ra, ug naa pa siya’y bayrunon nga katunga, plus interest.

Karon nakadawat ko og demand letter gikan sa financing ug ako ang gipaninglan sa utang sa akong igsuon. Ang akong pangutana kon mapugos ba ko sa pagbayad sa utang sa akong igsuon? Daghang salamat. — Luna

 

Dear Luna,

Base sa Article 2058 sa atong Civil Code ug sa mga desisyon sa Korte Suprema,  ang guarantor dili mahimong mapugos sa pagbayad sa utang sa debtor ngadto sa creditor, gawas lang kon gihimo na sa creditor ang tanan paggukod sa debtor, lakip na sa iyang mga kabtangan ug wa gyud kini ikabayad, then that’s the time nga pwede na nga mapaninglan ang guarantor.

Buot ipasabot nga ang giutangan kinahanglan nga iya unang himoon ang tanang legal remedies, lakip na ang paggukod sa kabtangan sa imong igsuon nga maoy debtor, una siya makapugos kanimo isip guarantor nga maoy mobayad sa iyang nahibilin nga utang.

Ang guarantor lahi sa surety, kay ang guarantor is an insurer of the solvency of the debtor or siya ang migarantiya nga makabayad ang debtor sa utang samtang sa surety is an insurer of the debt. So sa surety kon dili kabayad ang nangutang, then the surety will pay. Apan sa imo nga kaso kay guarantor ra man ka, kon dili kabayad ang imong igsuon, ila usa nga gukdon ang mga kabtangan niini una sila makagukod nimo as guarantor. - Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_ divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with