Buot maninda sa giabangang apartment
LEGAL CORNER - Atty. Divine Marcial-Flores (Banat) - January 20, 2018 - 12:00am

Dear Atty. Divine,

Duna ko’y giabangan nga apartment duol sa gieskwelahan sa akong duha ka anak. Ako ug ang akong mga anak ra ang nagpuyo niini kay ang akong bana, tua man magtrabaho sa gawas.

Matag bakasyon, mamauli mi sa among pinuy-anan sa probinsya. Mi-suggest ang akong bana nga magnegosyo mi og sari-sari store, ingon man mga school supply sa among giabangan nga apartment kay duol man mi sa eskwelahan.

Apan nagduha-duha ko kay basin og dili mosugot ang among landlord. Ang akong pangutana kon mahimo ba mi nga makabutang og tindahan sa among apartment? Unsay una namo nga buhaton aron nga ma-legal ang among operasyon sa tindahan? — Linda

Dear Linda,

Mas maayo nga imong tan-awon daan ang terms and conditions sa inyong lease contract kon wa ba kini prohibitions sa pagbutang og tindahan sa apartment nga inyong giabangan.  Kon naa gani prohibition, then dili gyud ka makahimo og tindahan kay makalapas man ka sa inyong terms and conditions ug mahimo kining kabasehan sa pagpapahawa ninyo.

Apan kon wa gani maghisgot ang inyong kontrata labot niini, then mahimo kang mopadayon sa imong negosyo, apan aron sa paglikay sa  problema, mas maayo nga imong pahibaw-on ang tag-iya nga mobutang ka og tindahan.

Kon mosugot gani, then imong iparehistro ang imong negosyo sa DTI ug human niini mokuha ka og business permit sa lungsod o siyudad diin ka nagnegosyo ug dayon moparehistro ka sa BIR. Kinahanglan sab ikaw nga mobayad  sa imong income tax matag buwan, matag quarter ug matag tuig. Thanks and God bless. - Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with