Dili na kaha mangilkil?
RENBOR PATROL - Rene U. Borromeo (Banat) - January 13, 2018 - 12:00am

Dagko na karon ang sweldo sa mga polis. Kadtong nagranggo og PO1 nga maoy labing ubos, gidoble ang sweldo ug magdawat na og P29,668 ang matag buwan gikan sa P14,834.  Kon idugang pa ang allowance nga ihatag sa mga local government units (LGU) diin sila madestino, kapin na gyud sa P30 mil ang buwan.

Ang PNP Chief nga si Director General Ronald ‘Bato’ dela Rosa magdawat na og sweldo P121,143 ang buwan. Ang akong pangutana, kay dagko na man og sweldo ang mga polis sugod karong tuiga, dili na kaha sila mangilkil? Magtinarong na gyud kaha sila sa ilang pagserbisyo?

Kon ako maoy polis, magtinarong gyud ko kay human sa kapin sa 30 ka tuig nga pagserbisyo, pwerteng dagkoa na gyud nila og madawat. Niining sweldoha, mahimong makadawat na og dul-an sa P10 milyones ang polis nga moretiro human sa pagserbisyo sulod sa kapin 30 ka tuig.

Ingon usab niini ang dawaton nga sweldo sa militar. Para nako, angay lang sab nga hatagan og dagkong sweldo ang mga polis ug militar, apan estriktuhon sila aron nga taktakon sab kadtong magbinuang. Daghan na gyud karon nga gustong magpolis.

* * *

Pastilan, dili na gyud kita karon mokumpiyansa sa atong panglawas. Nakurat ko sa pagkadawat nako og report nga ang higala nako nga si Gingging Aledo Campaña gidala sa tambalanan kaniadtong Huwebes.

Nahibaw-an nga nakasinati diay siya og aneurysm, nga nagpasabot nga mura’g dunay ugat sa ulo nga mibuto. Lagsik pa kaayo og lawas si Gingging, mas masakiton pa gud ko.

Daghan kaayo ko nga mga kaila nga gipang-atake ug ang uban namatay gyud. Ngano man kini, tungod ba kaha ni sa pagkaon og lechon niadtong Pasko?

Tabangi ko sa pag-ampo alang sa kaluwasan ni Gingging, ang news editor sa mantalaang SunStar-Cebu.

*  * *

Christmas Party diay sa mga sakop sa Task Force Alpha (TFA) gabii sa usa sa mga iladong hotel dinhi sa Sugbo. Daygon nako ang mga kauban ko sa grupo nga kugihan kaayong moserbisyo bisan og wala’y sweldo.

Ang tinuod, sakop ko sa TFA, apan in-active na ko kay mura’g dili na gyud ko magsilbe nga magsige og hanggap sa aso gikan sa mga sakyanan.

Mao nga ang ako, abiba na lang sa akong mga kauban, nga ang kadaghanan wala na makaila nako. Usbon ko, padayon sa inyong mga nindot nga binuhatan pagtudlo og maayong leksyon sa mga motorista aron dili magpabadlong.

 

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with