Ang benepisyo sa tubig Alkalina

Ang alkaline water, gawas nga kini makatabang sa paghupay o pagpakalma sa kabuhi (acid reflux), ang ubang pangangkon sa mga benepisyo niini, sama sa pahayag ni Levine, usa sa nag-promote sa tubig nga alkalina, nga niya pa, makatabang sab kini nga ma-neutralize o makontrol ang acid sa agianan sa dugo (bloodstream) aron pagpasaka sa lebel sa oxygen sa lawas, ug pag-usbaw sa enerhiya ug metabolismo.

Kay ang alkaline water nagbaton ni og pangontra sa katigulangon ug sa mga sakit (antioxidants), molimpyo sa kolon, o agianan sa igawas nga hugaw, mopapresko sa panit, ug padanglog sa kaunoran, kaugatan ug sa mga lutahan. Dugang pa niini, sigun sa sikat nga binotelyang ‘alkaline water’, ang pagsaka sa lebel niini sa lawas, makapakunhod sa tambok sa lawas (bodyfat), dili dali kapoyan, proteksyon sa kabukogan, mosuporta sa imyun, ug sa katibuk-an nga kahimsog.

Ang pag-inom niini, 2 ka baso lang kada adlaw. Mapalit sa binotelya o mahimo sab itaud ang gadget nga masala ang tubig nga mahimong alkaline.

Hinuon, mas doble ang gasto niini kay sa naandan nga tubig-imnonon sa gripo (tapwater), ug gi-purify nga kuno mineral nga tubig nga igo lang sa kauhaw. Total matud pa sa uban, pareho ra kini og epekto sa ordinaryong tubig.

Ang nakabentaha lang sa alkaline water kay taas kini og ‘body pH’, sagad anaa sa 8-9pH, kaysa kumon nga tubig nga usahay, naa sa neutral 7pH ang lebel.

Mas maayo nga motaas pa ang lebel sa pH, apan sa uban dili makaayo, gawas lang kon mosangko na sa 14ph kay nagpatuyang sa kamahal niini nga ‘alkaline water’.

Kay sigun sa nasulayan na, makaayo ang alkaline water, apan duna sab ni risgo kon masubrahan, nga kalagmitan madaot ang tinai ug maka-iritar sa panit.