Wa’y eleksiyon
AMBOT LANG - Gerry Auxilio (Banat) - January 11, 2018 - 12:00am

Gusto sa liderato sa Kongreso nga magtigum na ang mga kongresista ug mga senador isip Constituent Assembly aron usbon ang atong Batakang Balaod ug mamontar na ang Federalismo nga sistema sa gobiyerno nga maoy gusto ni Presidente Rodrigo Duterte.

Apan sa pag-usab sa Batakang Balaod maoy gusto sa pipila ka kongresista nga walay eleksiyon sa tuig 2019, unya lugwayan ang tuig sa ilang termino ug himoong unlimited ang pagpapili pagka kongresista.

Ang laraw sa pipila ka kongresista, nagpakita lang sa tinuod nilang tumong sa pag-usab sa Batakang Balaod aron apil nga malugwayan ang ilang termino pinaagi sa pag-uktaba sa eleksiyon sa 2019 ug wala na’y limit ang ilang pagpapili.

Ang laraw sa mga kongresista gisupak sa mga senador. Ang presidente sa Senado nga si Senador Koko Pimentel dili usab uyon sa nahuna-hunaan sa mga kongresista. Kay nagdali nga maporma na ang Constituent Assembly, gisaway ni House Speaker Pantaleon Alvarez ang kalangay ug kahinay sa Senado sa lihok niini sa pag- usab sa Konstitusyon.

Apan ang Senado nanalipod sa pagsaway. Matud sa mga senador nga ang Senado magtuon gyud ug naghuna-huna sa ilang mga buhaton ug himuon. Dili sila magpataka og hamag, ug ingon man hasmag.

Kon usbon man ang Batakang Balaod mas maayo nga ipaagi kini sa Constitutional Convention diin magpili kita og mga delegado nga maoy magpanday ug mag-usab sa atong Konstitusyon. Mas maayo ang Constitutional Convention, o CONCON kaysa Constitutent Assembly, diin ang mga senador ug kongresista mag-usa sa pagpanday sa Batakang Balaod.

Sa Constituent Assembly, o CON-ASS, dili kaayo ta makapaabot og dekalibre nga Batakang Balaod tungod kay ang mopatigbabaw unya niini mao man ang personal nga interes sa mga magbabalaod.

Pero kon CONCON maingon nato nga hinashasan gayud ang gipanday nga Batakang Balaod tungod kay mao ra man gyud ni ang ilang trabaho.

 

Philstar
Facebook
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with