Medalya nga gisul-ob

Mapahiyumon kaayo si Inday nga misul-ob sa medalya niya nga tulo ka buok. Ako siyang gipangutana kun unsa ang iyang award ingon siya usa siya sa mga nakadawat sa best in religion award. Nahimuot kong nisud-ong kaniya nga nagbasa sa pulong sa Dios sinul-ob ang mga medalya niya. Yanong kalipay sa bata nga nakapahatag kanako og kaikag usab nga magpasalamat ug magsaulog sa ginagmay nga kasinatian sa achievement kun paglampus. Kasinatian kini sa kadaugan nga angayang handumon. Ang medalya nga iyang nasul-ob simbolo sa iyang paningkamot ug angay lamang nga saulogon kini uban ang dakong pasalamat.