EDITORYAL - Benham Rise basin masusama sa WPS
(Banat) - March 13, 2017 - 12:00am

Nasigpatan sa Department of National Defense ang mga Chinese survey ships sa Benham Rise nga naa nahimutang sa kadagatan sa Aurora ug Isabela sa sidlakang bahin sa Luzon.

Ang Benham Rise usa kini ka bukid ilawom sa Pasipiko nga daw giabis ang tumoy. Ang patag sa tuktok 13 milyones ka ektarya  ang gilapdon mas lapad pa bisan tipuon ang Luzon, Samar ug Leyte.

Gideklarar kini sa United Nations nga kabahin sa teritoryo sa Pilipinas ug gani sumpay kini sa continental shelf niini kay base sa mga pagtuon kasumpay kini sa mga kabukiran sa Sierra Madre.

Sumala pa  nga abunda sa coral reefs, mga isda, may mga timailhan usab nga abunda kini sa lana ang lugar.  Ang kinamabawan nga bahin niini 35 metros hangtud 50 metros ang gilawmon. Apan di imposibleng ugbokan og mga oil drilling platforms kun duna gyu’y lana didto.

Apan nagkainteres man siguro ang China kay pirme na silang masigpatan didto.

Dili sala ni Duterte nganong  nakontrol na sa China ang mga teritoryo sa Pilipinas sa West Philippine Sea kay di siya’y presidente kaniadto.

Apan sa Benham Rise karon unsa kahay iyang buhaton nga amigo raba kaayo sila sa China?

Wa man gyud gani niya buhata ang iyang panganti nga kun siya’y makadaog sa eleksyon mosakay siya og jetski aron iugbok ang Bandila sa Pilipinas didto sa mga artipisyal nga isla sa China.

Apan samtang wa pay gibuhat si Duterte, mas maayo sigurong molihok ang mga ahensya sa gobiyerno aron panalipdan ang maong teritoryo.

Paspasan ang pagpalambo sa Camilo Osias Naval Base - San Vicente Naval Airfield sa Santa Ana, Cagayan, magdugang og mga dagkong barko sa coast guard ug sa Philippine Navy didto ug paspasan ang pagpalit og long-range maritime patrol aircraft nga i-deploy didto.

Kay basin maparehas ang Benham Rise sa atong mga teritoryo sa West Philippine Sea kun di na usab molihok ang tanan.

DEPARTMENT OF NATIONAL DEFENSE
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with