Brgy Tayud, Consolacion, Cebu
MR. BARANGAY - Jun Veliganio (Banat) - February 14, 2017 - 12:00am

“Diay multicab diri sa Navy sa may Sitio Tawagan nga gisige’g gamit kada gabii bisan og walay suga, unya kusog ra ba ang dagan. Lauman namo nga maaksyonan ning problemaha kay basin makamugna og disgrasya.

 Brgy Basak, Mandaue City

“Hangyo ngadto sa mga opisyal sa siyudad ug sa TEAM nga ila untang ipatangtang ang traffic light sa eskina Pagsabungan kay maoy nakadala sa traffic. Kada adlaw ko nga magbiyahi diha pero kana gyung sa Basak nga traffic lights ang nakadala og bara sa trapiko.”

 Brgy San Jose, Cebu City

“Kanus-a man ayuhon kining karsada diri duol sa North General Hospital, kanang padulong sa San Jose Village kay bati na kaayo ug kuyaw sa disgrasya. Daghan na man gani nga natumba diha nga mga motorsiklo.

 Brgy Canjulao, Lapu-Lapu City

“Ambot kun unsay aksyon nga gihimo sa among mga opisyal sa barangay ug sa mga polis mismo kay grabi na man gyud kadaghan sa sugal diri, wala may nakabadlong. Hasta ang barangay hall nahimong tinubdan sa sugal kay naa may tanod nga nangisyu og para swertres.”

 Brgy Pasil, Cebu City

“Wala pa gyud masumpo ang ilegal nga drugas diri sa Lawis kay kining compound duol sa kapilya, kusog man gihapon ang pagpamaligya’g shabu diha.

 Brgy Malbago, Madridejos, Cebu

“Naa man gihapo’y mga adik diri sa among barangay, wala man gyud ni sila dakpa nga klaro man kaayo ang mga dagway ug mga nilihokan niining mga tawhana. Sige na man lang ingon ang mga polis diri nga nihunong pa sila sa pagpanakop sa mga adik.”

 Brgy Jugan, Consolacion, Cebu

“May mga kawatan gihapon diri nga mosaka og mga balay panahon sa kagabhion kay usahay ila lang taymingon nga walay tawo. Ang among nakuyawan kay basin mopatay ni sila’g tawo kun mosukol nila ang tag-iya sa balay.

 Brgy Loong, Tabogon, Cebu

“Grabe na gyud nga gubaa sa among karsada diri, maglisod na pag-agi ang mga sakyanan. Wala gyud ni atimana sa mga opisyal namo sa barangay.”

 Brgy Perrelos, Carcar City

“Concern lang ko bahin sa among eskuwelahan kay kun may bisita sila nga moabot, ang amo man nga mga anak ang paamuton kay para kuno sa snacks?

 Brgy Buhisan, Cebu City

“Diri sa among lugar, labi na sa Sitio Anahaw, ang problema sa ilegal nga drugas naa man gihapon bisan og nadakpan na ang mga iladong drug pusher diri. Unta mapanid-an kini og balik sa mga polis kay nibalik man ang illegal drugs diri.”

Brgy Manipis, Talisay City

“Kuyaw gihapon agian ang karsada diri sa among lugar kay sige ang pangatagak sa mga bato, peligro sa mga moagi nga sakyanan. Kanus-a pa man diay ni tiwason pagtrabaho nga dugay na man unta kaayo kini nga project?

Alang sa mga reklamo text lang sa 09326425494

 

NAVY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with