Misaler nga diplomasiya
FROM FAR AND NEAR - Lucky P. Malicay (Banat) - November 4, 2016 - 12:00am

Mura’g misaler ang maayong diplomasiya ni Presidente Rodrigo Duterte ngadto sa China human sa pipila ka tuig nga pagkabugnaw sa relasyon tali sa Pilipinas ug sa higanteng nasud tungod sa panagbingkil  sa teritoryo sa South China Sea.

Sa niaging mga adlaw, nakabalik na kuno ang mga Pilipinhong mangingisda sa lugar nga giokupahan sa armadong kusog sa China. Ug didto libre na kuno silang nakapangisda, sama sa unang panahon sa wala pa misiaw pag-okupar ang China sa mga  teritoryo sa Pilipinas.

Kining mao nga kalamboan natigayon human sa pagbisita ni Duterte sa Beijing diin mainiton siyang gihimamat sa mga kadagkoan didto. Usa kadto ka signal nga nahibalik na ang maayong relasyon sa duha ka         nasud.

Gani sa iyang pag-uli sa nasud, bilyones ka dolyares ang gihakot ni Presidente Duterte nga mga trade investments, loans ug agreements uban sa Chinese government ug mga kompanya didto nga gustong mamuhonan sa atong nasud.

Ang paghibalik sa atong mangingisda didto sa teritoryo nga giokupar sa China nagpasabot lamang nga inanay nang mibalik  ang maayong relasyon tali sa maong nasud ug Pilipinas. Ug manghinaut kita nga wala na gyu’y babag sa ilang pagpanagat sa maong lugar.

Apan dakong pangutana kun buhian na ba sa China ang pag-okupar sa mga isla sa South China Sea nga ilalum sa atong teritoryo niining paghibalik na sa maayong relasyon tali sa duha ka nasud. Hinuon agta ray nasayud niini.

Apan bisan pa man niini, dakong kalampusan sa administrasyon ni Duterte ang pagkumbinser sa China pagtugot sa atong mga mangingisda nga makapanginabuhi pagbalik sa naandan nilang lugar nga layo sa harassment sa Chinese Navy.

Human sa pipila ka tuig nga pagpakigtigi sa China sa kalapasan niini sa atong teritoryo, miusab ang dagan sa panahon human sa pagbisita ni Duterte sa maong nasud. Wala’y kapabilidad nga ikaharong ang Pilipinas batok sa China kun dili ang pagpakita og maayong diplomasiya.

LUCKY P. MALICAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with