Asawa gibiyaan, gusto nga mangayo’g suporta
LEGAL CORNER - Atty. Divine Flores (Banat) - February 2, 2016 - 9:00am

Dear Atty. Divine,

Unsa man ang angay namong buhaton attorney kay ang akong mama ug papa dugay na nagkabuwag, pero wa ma-annul sa korte ang ilang kaminyuon. Unsaon man para mahatagan sab intawon ang akong mama sa suweldo sa akong papa kay dili man gud mohatag ang akong papa sa iyang sweldo. Naluoy ko sa akong mama kay naara siya sa balay unya bisan kami nga duha nila ka anak mohatag sa akong mama, apan dili man enough para sa akong inahan. Gusto unta ko attorney nga bisan og half sa sweldo sa akong amahan maadto sa akong inahan. Daghan salamat. — Tessie

 

Dear Tessie,

Ang imong mama isip legal nga asawa sa imong amahan adunay katungod nga mangayo og financial nga suporta sa iyang bana. Base sa atong Family Code, ang asawa ug bana obligado nga mosuporta sa usa’g-usa. Ang atong balaod wa mohatag og kantidad kun pila ang angayang ihatag kay kini magdepende sa panginahanglan sa hatagan ug kun pila sab ang ma-afford sa mohatag. Buot ipasabot nga dili kita makadiktar nga kinahanglan katunga gyud sa sweldo sa imong amahan maoy ihatag niya ngadto sa imong mama. Ang maayo ninyong buhaton mao ang pag-compute kun pila ang panginahanglan sa imong mama matag buwan. Human niini, ang imong mama mopadala og demand letter ngadto sa imong papa alang sa pangayuon niyang suporta. Mas maayo nga moduol mo og abogado aron maoy mohimo sa maong demand letter. Kun ibalewala lang sa imong papa ang gipangayo sa imong mama, then mas maayong modangop ang imong mama sa korte alang sa iyang tinguha pagpangayo og suporta. Ang korte na ang mopatawag sa imong amahan ug maoy modesisyon kun angayan ba nga hatagan og suporta ang imong mama ug kun pila ang dapat ihatag. Thanks and God Bless. – Atty Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com. ug akong tubagon ang inyong pangutana pinaagi sa akong column matag Miyerkules, Sabado ug Domingo.

AKONG ANG ATTY DIVINE BANAT NEWS CEBU CITY DEAR ATTY DEAR TESSIE FAMILY CODE IMONG MAMA NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with