Gustong sagupon sa legal nga paagi

LEGAL CORNER - Atty. Divine Flores (Banat) - January 19, 2016 - 9:00am

Dear Atty. Divine,

Gisagop ko sa akong iyaan apan dili sa legal nga paagi kay ila lang gibutang ang ilang name sa akong birth certificate isip maoy akong mga parents. Gusto unta ko nga masagop sa legal nga paagi aron maklaro ang akong birth record ug at least legal na ang akong pagkasagop,unsa may angayan namo nga buhaton kay andam man ang akong iyaan ug iyang husband nga mabutang sa legal nga paagi ang ilang pagsagop nako. Hinaut imo mi nga matabangan. Daghang salamat. — Liza

* * *

Dear Liza,

Kinahanglan lang unta nga mopasaka og Petition for Adoption ngadto sa korte ang imong iyaan ug ang iyang bana alang sa pagsagop kanimo. Apan kun sa imong birth certificate sila na ang nakabutang nga pangan isip imong mga ginikanan kun simulation of birth then mogawas nga sila ang imong mga biological  parents ug tungod niini di na kinahanglan ang adoption process.Kining simulation of birth, illegal kini ug adunay multa ug silot kun mapamatud-an. Ang una nimong buhaton mao ang pagpa-usab sa entry sa imong birth certificate ug pailisan nimo sa pangan sa tinuod nimong biological parents, imo rang sultian ang Local Civil Registrar nga sayop ang nabutang nga pangan sa imong mga parents ug sila nay mogiya kanimo og unsay angayan nga buhaton ug unsay mga dokumento ang gikinahanglan. Pamasin lang kun madala ra sa correction of  entry. Kay nag-involve man  kini  og kausaban sa  imong apelyido posibleng moagi   sa   korte   ang   maong   proseso.   Kun   makurihian   na   ang   imong   birth   certificate   then mamahimo na nga mopasaka og Petition for Adoption alang kanimo ngadto sa korte ang imong iyaan ug ang iyang bana aron maklaro na ang imong identity ug ang imong status.

Thanks and God Bless.

* * *

Alang sa inyong pangutana, ipadala lang sa Legal Corner sa Banat News sa V. GullasSt.,Cebu City or email sa  flores_divina@yahoo.com  ug akong tubagon ang inyong pangutana pinaagi sa akong column matag Miyerkules, Sabado ug Domingo.

AKONG ANG BANAT NEWS BIRTH CEBU CITY DEAR ATTY DEAR LIZA IMONG LEGAL CORNER NBSP NGA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with