Brgy Suba, Cebu City
MR. BARANGAY - Jun Veliganio (Banat) - October 7, 2015 - 10:00am

“Ang Pasil Market ba kay gihimo na man lang pundohanan sa mga ginamit nga ligid. Ang nakaproblema kay mao kini ang itloganan sa mga lamok mao tingali nga duha na ang namatay sa dengue diri.”

 

Brgy Campo, San Francisco, Cebu

“Naunsa man ang mga opisyal sa among barangay nga gipili ra man ang ilang gipanghatagan og hinabang sa nabiktima sa bagyong Yolanda?.”

 

Brgy Mactan, Lapu-Lapu City

“Moreklamo mi niining hump duol sa Soong center kay taas man kaayo ug dili pa g’yud lapad mao nga mabundak intawon ang mga sakyanan nga moagi diha sa lugar.”

 

Brgy Tinubdan, San Fernando, Cebu

“Kanus-a pa man intawon ni maaspalto ang karsada namo diri. Dugay na kami nag-antos sa kabati sa among agianan. Kuyaw kaayo agian ang karsada labi na sa ting-uwan.”

 

Brgy Inayawan, Cebu City

“Dugay na kaayo namo nga problema diri sa Sitio Tugas ang poste sa VECO nga bag-o lang gipang-ilisan og mga suga pero wala na hinooy siga-siga.”

 

Brgy Cogon-West, Carmen, Cebu

“Ireklamo namo ang usa ka konsehal diri tungod kay ang multicab sa barangay iya ra man gipatay-an sa ilang balay. Kun adunay mohangyo’g gamit para sa emergency ug para hatod sa lubong dili man niya ipagamit nga unta dili man siya maoy tag-iya ana nga sakyanan.”

 

Brgy Basak, Cebu City

“Naunsa na man ning taga DOLE nga kami’ng nasunogan diri sa Sitio Ulap gipatrabaho mi nila isip tigsilhig sa mga basura bali’g usa ka buwan pero hangtud karon wala pa man g’yud mi sweldohi. Ang among kapitan nga maoy nagpatrabaho wala ‘sab maninguha para masweldohan mi.”

 

Brgy Poblacion Oriental, Consolacion, Cebu

“Maayo unta’g masumpo na ang hantak diri sa among lugar kay kada adlaw hangtud kadlawon sila maghantak. Hangyo mi sa mga opisyal sa barangay ug sa kapolisan nga sumpoon nila ang sugal kay usahay ang mga bata moapil.”

 

Brgy San Jose, Cebu City

“Wala g’yud atimana sa among mga opisyal sa barangay ang daghan na kaayo nga mga punder nga suga sa mga poste. Dugay na man ni sila sige’g saad pero hangtud karon wala man gihapon nila hatagi’g aksyon.”

 

Brgy Umapad, Mandaue City

“Hangyo lang mi nga aksyonan na unta ug hatagan na og pagtagad ang sige’g daub og mga wires kada gabii diri sa Umapad dumpsite. Risgo kaayo sa panglawas sa mga tawo nga nanimuyo duol sa lugar labi na sa mga bata.”

Alang sa inyong mga reklamo text lang sa 09062973166

ACIRC ANG BRGY CEBU CEBU CITY DUGAY MAN MGA NBSP NGA STRONG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with