Manghod gusto nga mas dako og bahin sa kabilin
LEGAL CORNER - Atty. Divine Flores (Banat) - June 18, 2014 - 12:00am

Dear Atty. Divine,

Duna lang unta ko’y pangutana may labot sa kabilin sa among mama. Ang akong mama namatay niadtong miagi’ng tuig ug duna siya’y gibilin nga yuta, duha ka hektareya. Sa wala pa namatay ang akong mama na-hospital siya sud sa duha ka semana ug ang akong manghod maoy mibayad sa gastohan kay siya may arang-arang namo og kahimtang. Tulo mi ka magsuon ug ako ang kamaguwangan. Patay na ‘sab ang among papa pito ka tuig na ang nakalabay. Karon gusto na namong bahinon ang yuta apan ang akong manghod mao may magbuot kun unsaon pagbahin kay kuno siya ang migasto ni mama sa pagpa-hospital ug pagpalubong. Gusto unta mi nga patas ang pagbahin namong tulo  apan ang gusto sa akong manghod nga mas dako ang iyang share. Husto ba ning iyang gusto nga mas dako ang iyang bahin? Unsa may angayan namo nga buhaton aron mabalhin na sa among pangan ang maong property? Daghang Salamat. — Jepoy

 

Dear Jepoy,

Base sa balaod, ang mga anak nga sumusunod kun pareho sila’ng legitimate angay nga patas g’yud ang ilang bahin sa kabilin sa ilang mga ginikanan. Buot ipasabot, nga sa duha ka hektareya nga luna nga gibilin sa imong mama angayan nga bahinon ang maong property in equal share ninyo’ng tulo kun pulos mo legitimate children. Kanang gasto sa imong igsuon, mahimo ninyo kana nga sabotan pinaagi sa pag-refund kaniya sa inyo’ng share sa expenses sa imong mama or mahimo ‘sab nga inyo siya’ng bayran og yuta depende sa kantidad nga iyang nagasto. Anaa ra kanang tanan sa inyong sabot. Dili man ‘sab makiangayon nga dili ninyo bayran ang inyo’ng igsuon sa iyang naggasto kay unta ang gasto sa pagpa-hospital ug sa pagpalubong sa inyo’ng inahan adto man g’yud na kuhaon sa iyang gibilin nga kabtangan ug ang sobra niini mao nay bahinon sa mga heirs. Kun magkasinabot mo, mo-execute lang kamo og Extra Judicial Partition nga pirmahan ninyo’ng tulo then inyo’ng iduso sa BIR aron mabayran ang Estate Tax ug pinaagi niini mabalhin na unya ang maong property ngadto sa inyong pangalan. Hinaot nga ako’ng natubag ang inyo’ng pangutana. Thanks and God Bless. -- Atty. Divine

Kun ikaw adunay pangutana, ipadala lang sa Legal Corner sa Banat News sa V. Gullas St., Cebu City, or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules ug Domingo.

 

AKONG BANAT NEWS CEBU CITY DAGHANG SALAMAT DEAR ATTY DEAR JEPOY ESTATE TAX
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with