Lorega senior citizens society wala usab maka-avail sa 1% gahin
SENIOR CITIZENS CORNER - A.M. Dela Serna (Banat) - May 16, 2014 - 12:00am

Ang Lorega Senior Citizens Society, Inc., pinangulohan ni Joe Ore, sama sa pipila ka mga senior citizens barangay chapters, wala usab maka-avail sa one percent nga allotment gikan sa barangay. Kini sumala mismo ni Joe Ore sa atong pakighinabi uban kaniya atol sa tulomanon Senior Citizens Hour sa DYRC sa miaging Sabado, with co-hosts, Nick Ampatin ug Vit Padilla. 

Maoy iyang pagduda nga kini gumikan sa politika. Mao ni ang nahitabo sa mga kapunongan sa senior citizens sa miaging election. Nagkatibulaag kita. Nahimo kitang mga political parties. Subo palandungon.

Gumikan sa ilang pagka-amahan sa barangay, ang mga barangay captain mismo mao untay magpasiugda paghiusa sa mga constituents nilang mga senior citizens, regardless sa mga political leanings sa individual nga mga sakop sa association.

Dili nga sila na hinoon ang mahimong hinungdan sa pagkatibulaag sa mga senior citizens. Hinaut nga matagad kini sa DSWD, ang lead agency alang sa mga senior citizens, ingonman sa DILG ug sa ABC mismo (Philip?).

Admittedly, lisud usahon ang Pinoy. Ambut diin ta maka-inherit ning maong kinaiya. Maoy hinungdan nga daghang kapunongan sa simbahan, daghang pundok sa mga Rotarians, Jaycess, Lions ug  Kiwanis. Kini tungod kay kitang tanan gustong mag-presidente.

In the case sa mga senior citizens, kun dili gyud mahiusa ang katigulangan sa atong dakbayan, at least, dili unta maapil ang mga kapitan sa pagkatibulaag sa mga seniors.

Sa 80 ka barangay ning dakbayan, aduna kitay kapin sa 100  ka chapter sa mga senior citizens. Ingon kita niini ka divided. Kun di gyud ta mahiusa, let it be. Apan, ang concern sa mga kapitan sa barangay dili unta selective.

Sa miaging sunog sa Lorega, matud ni Ore, 44 ka seniors ang nabiktima. Ang ilang pundok mitunol og P500 cash assistance ngadto sa matag usa kanila, used clothing ug noodles.  

Aduna silay 170 ka sakop … kapin kini sa 500 sa wala pa sila magkatibulaag. P10 ang ilang monthly dues.  Misuway sila’g pangayo’g tabang sa DSWD … apan matud ni Ore, daghang red tape. Ni-make-do na lang sila kutob sa ilang mahimo.

Nagpadayon ang re-blocking sa Lorega, lapad na ang giisip nga main street, ug aduna nay mga side streets. Matud ni Ore, morag blessing in disguise ang sunog. Full assistance ang gitunol sa dakbayan ug sa private sector.

Kaubang opisyales ni Ore, sila si Lydia Perales, vice president;  Manny Benjamin, secretary; Perfecto Pulgo, Sr., treasurer; Maria Regis, assistant treasurer; Liza Barientos, auditor.

Magsaulog unta sila sa ilang foundation anniversary sa miaging katapusang semana sa Abril, apan gumikan sa sunog, igo na lang silang nanambong sa Santos nga Misa, ug wala nay mga activities.

By the way, si Ore willing kaayo nga mag-usa sila sa Lorega. Kun mag-election man, unya, di siya kadaug, OK kaayo alang kaniya. Mag-aktibo gihapon siya as an ordinary member.

Maayo unta kun mao kini ang mahitabo sa ubang mga barangay. 

 

ANG LOREGA SENIOR CITIZENS SOCIETY BARANGAY CITIZENS JOE ORE KINI LOREGA SENIOR
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with