FSCAP, klarong NGO wa gyud katilaw sa pork!

Niay klaro ug legitimate nga NGO, ang Federation of Senior Citizen Associations of the Philippines, Inc. (FSCAP), usa ka nationwide nga pundok, ambut ngano nga wala man kahunahuna ang mga Senador ug Kongresista, paggahin bisag gamay lang sa ilang pork alang sa mga senior citizens? Didto man hinuon punta sa mga fake nga pundok? Pagka-wa sad nila’y puangod uy?

Unsa man diay ilang hunahuna sa pork barrel … negosyo? Di ba priority development assistance man unta? Ug tungod kay dili man kini ilang kuwarta, sa ato pa, wala silay puhonan, nganong maghunahuna man sila og ganansiya? Bida sad uy!

Kun sa nasayran lang nga P10 bilyones nga scam, gigahinan kita bisa’g 10 milyones lang, makatukod na kita’g mga geriatric wards sa mga government hospitals, makapamalit og maintenance nga mga tambal, makatukod og mga homes for the elderly, makapabarug og mga senior citizens centers, dili magkapuliki pangita’g kuwarta matag saulog sa October Senior Citizens Week, ug uban pang mga immediate ug priority nga mga panginahanglan sa senior citizens.

Unsaon, alang sa pipila ka mga politiko, bad political investment kono ang ilang pagtabang sa mga senior citizens, waa silay makuha in return in terms of votes, ug labaw sa tanan, di sila ka-sapi. Maayo nang adto sa non-existing mga NGO kay seguro ang kuwarta.

Gi-abolish na ang PDAF, apan magpadayon ang pork barrel system – ipaagi na sa line budgeting, wala nay lump sum disbursing, dili na muagi sa mga NGO, to be safe.

Apan, ang mo-identify sa mga proyekto, sila gihapong mga Senador ug Representante. Sila gihapon ang magbuot which projects ang gahinan og pundo. Meaning, they still have a say in the (konohay) reformed pork barrel system.

Maoy atong panghinaot nga sa ila unyang mga budget proposals, masukip na sa ilang mga pagpakabana ang mga panginahanglan sa more or less, 9 million senior citizens in the country. Ug tungod kay dili na man kaha ipaagi sa mga NGO, ilang ipaagi sa DSWD, sa DoH, sa DILG, o sa DPWH.

In the meantime, unsa may mahitabo sa naka-scam nga mga Senador ug Kongresista? Nganong si Napoles ra may gisegihan nila’g pangita? Ang nakigkunsabo diay ni Napoles? Ug nganong maghuwat man sila ni Napoles nga mobutho, una sila makapasaka og kaso batok sa mga “scammers?”

Ug … paminaw kanunay sa Senior Citizens Hour sa dyRC, 648 kHZ matag Sabado, 5:00-6:00 pm. Tels. 4125249, 4125298.