EDITORYAL - Ang maayong pagtratar sa mga senior citizen
Wen Celen (Banat) - March 24, 2013 - 12:00am

Karong Lunes magkaguliyang na  usab  ang  mga  senior  sa  ilang  pagdawat  sa ilang cash incentive  nga  ipanghatag  sa  mga  tinugyanan  sa city  hall.

Apan  kining  tanan  mag-agad  sa  manguna   kinsa  may plano na nga daan, nangandam  na  kun  unsaon  pag-atiman  ang  mga  hingtungdan  sa maong  higayon aron kalikayan  ang  pagyagaw ug  kaguliyang  nga  di angay  nga mahitabo.

Sa mga dagkong  panagkatigum   sa mga  batan-on  o  kaha  sa  mga  hamtong  ug  bisan  sa  mga  tiguwang,  nagkinahanglan  kini  og  lider  nga  may  utok  nga  kaantigo  molihok.

Kay  kun  ang  ibutang  nga  lider  may utok  apan  magsalig  nga  maayo  siyang  laki  unya  wa magtuon  kun  unsay  hustong buhaton ug  paagi  aron  kalikayan  ang  kayagaw  sa  mga  anaa  sa maong  pundok, aw natural moyagaw  gyud  ang  anaa  sa maong  pundok.

Ang  mga  tiguwang  way laing  tuyo kundi  ang   pagkobra  sa P4 mil  nga  ihatag  sa kagamhanan  sa siyudad  ngadto sa  ilang  tagsatagsa  ka sports  complex  o kaha  eskuylahan  sa  barangay.

Ang  uban  kanila   mahimong  di  mamainit  kay magsalig nga  makadawat  dayon, apan  mas maayong  mamainit  gyung daan    o  kaha  mamahaw  daan  aron  nga  may igong kusog  samtang  magpaabot  sa turno  nga  madawat  ang  ilang  sobre.

Busa  sayo  pa sa buntag  kinahanglang  anaa  na  ang  mga  piniyalan  sa city hall  o  kaha  sa barangay  sa  tagsa-tagsa  ka    distribution center   aron  nga bantayan  ang  pagpangabot  sa  mga  tiguwang.

Angay  timan-an  nga  lahi  sa  mga  batan-on  ang  mga  tiguwang,  kun  ang  lider  nga  inyong  ibutang  kusog moyama-yama  sa  mga  batan-on, diha  sa pundok  sa  mga senior  citizen palihug ayaw  kana  buhata.

Tinuod  mas gahian  pang mosanong  ang  mga  tiguwang kay  sa  mga  batan-on  kun may  imando  ang  lider, ug angay  natong   sabton  ang  ilang  kahimtang  sa lawas  ug momandar  mo nga  may  respeto.

Unya  aron  dali  ra  mahuman  ang  pagpanghatag, mas  maayong   destinohan  sa city hall  og  daghang   kahera   aron nga   di  malangay  pag-ayo  ang  mga  mga senior  nga magpaabot  sa ilang  dawatonon.

ANGAY APAN ARON BUSA ILANG KARONG LUNES TINUOD
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with