^

Banat Kalingawan

Ayaw pagbuot

Tito Miguel - Banat

Dear Tito Miguel ,

Dugay nako nga suki sa imong lindog dinhi sa Banat News. Ako diay si Yenyen , taga Labangon, Cebu City.  Na-problema ko sa akong boyfriend kay magsige og apil anang rides-rides kauban ang iyang barkada didto sa kabukiran. Mahadlok ko kay basin madisgrasya ba. Dili man siya mopatuo uy. Wala ko kasabot sa iyang utok nganong ganahan kaayo siya anang rides-rides.  —Yenyen

Yenyen,

Duna gyud mga tawo nga way kahadlok maski delikado. Duna sad mga talawan, maski luwas ang gibuhat mahadlok gihapon. Lain-lain ang tawo, mao gani duna tay mga sundalo nga atong ikapasigarbo, andam mosakripisyo sa ilang kinabuhi alang kanato. Nakakaplag ka’g ang kalipay buwis-buhay. Mao na iyang pagkatawo, ayaw usba. Imo pugngan, samot ganahan. Apan sa katapusang higayon, istoryaha, ayaw awaya, pasabta unsay imong bation mata’g pabulhot niya ngadto sa kabukiran, nga di ka mahimutang sa kaguol para sa iyang kaluwasan, tungod kay imo siyang gimahal.

Basin unsay mahitabo niya, wala na moy kaugmaon duha. Pangutan-a kun duna bay rider nga wa pa madisgrasya, kay lagmit tanan niya kaila naamong na. Ang motor duha ra ka ligid, gamay’ng bikil deretso diskaril.

Kun mopatuo, maayo. Kun dili, pasagdi, gawas kun uwan o bagyo. Ayaw balik-balika imong sulti. Ayaw kaguol sa mga butang nga dili nimo kontrolado, naa siya’y kaugalingong buot. Busa, ayaw pagbuot. Duna bitaw nagpuyo ra sa balay, kalit namatay. Duna’y sige’g gawas, makauli gihapon nga luwas.

Pero tinuod, mas maayo gyud ang maglikay. Busa kun di gyud ka mahimutang, naglabaw imong kaguol kaysa kalipay ug kalinaw sa inyong relasyon, angay na ka magduha-duha. Di man siya maminaw, buot pasabot wala niya ampingi ug hunahunaa imong pagbati. Puwede na nimo himuon nga sukod kun asa ka dapit sa iyang dughan. Unahon ba niya iyang lingaw ug hilig samtang ikaw nagsalimuang? Tito Miguel

Magpatambag ka? Ipada kang Tito Miguel: 0998-581-5856

TITO MIGUEL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with