^

Banat Kalingawan

Piyonga imong mga mata

Tito Miguel - Banat

Dear Tito Miguel ,

Ako diay si Larina, duha ka tuig nami sa akong boyfriend nga si Sylvan. Akong problema ron, akong uyab  kay dili gyud siya mopatuo nako kun ako siya bàdlongon, ilabi na kanang iyang pagkasaputon. Usahay gani kay masyagitan ko niya atubangan sa ubang tawo. Wala pakoy plano nga buwagan nako siya , sanglit nag-agad rako sa imong tambag. Salamat kaayo .  —Larina

 Larina,

Kasagaran babaye seryoso sa relasyon, dunay paglaom ug paninguha nga moabot sa kaminyoon. Unsaon pagkahibawo nga imong pares na ang para nimo?

Usa ka pamaagi sayon ra. Piyonga imo’ng mga mata, paminaw sa imong dughan ug hunahuna, makita ba nimo imong kaugalingon kuyog siya mag-sungkod? Kun dili, wala moy kaugmaon. Biya na samtang sayo pa. Kun naa kay makita nga purohan, ma’s dako ba imong gugma nga makapabuta kanimo, mopas-an ug mopasaylo sa iyang pagkasaputon? Kun dili ka kaantos, ayaw pagpaka santos. Timan-i, kun kamo kasado na, apil iyang batasan ug kalapasan sa imong gipakaslan. Busa kinahanglan andam ka’g tagana mosabot ug modawat kun unsa siya. Kun ikaw siyagitan atubangan sa ubang tawo, kanimo wala siya’y respeto. Mopatigbabaw iyang kasuko kaysa imong bati-on. Gisayon-sayon ra ka, gipakauwawan apan wala siya’y pakialam. Wala’y gugma kun wala’y respeto, wala’y respeto kun wala’y gugma. Pero tingali nagpaabot ka, basin ma-usab. Aron ka makahibawo, pasagdi, ayaw badlonga. Diha nimo makita unsa siya, asa taman iyang ngil-ad nga batasan. Kun dili na nimo makaon, labi na’g dili nimo makita imong kaugalingon nga nag-agwanta ug nagpailob, buwag na samtang sayo pa.

Mangutana gyud na’g ngano. Kun imo sultihan, lagmit mopasalig mag-usab sa batasan. Puede nimo hataga’g laing higayon. Apan ang batasan lisod usbon kay mao na iyang namat-an ug naandan. Ipahipi kadiyot, apan dili ka makaipsot, kay moalburoto ra gihapon na’g mobuto sa ngadto, daw bulkano. Tito Miguel

Magpatambag ka? Ipada kang Tito Miguel: 0998-581-5856

TITO MIGUEL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with