^

Banat Kalingawan

Dili kinahanglang iyang pagtugot

Banat

Dear Tito Miguel,

Gusto nako makigbuwag sa akong bana kay nakasala siya sa among kaminyuon kauban ang babaye nga paryente ra pud niya. Mga baboy gyud kay nag-unay lang, pero wala daw sila’y relasyon bisan dunay nahitabo nila. Mihari sa akong galamhan ang kasilag, kahiubos ug pagdumot.  Nawad-an nako og gugma sa iya tungod sa iyang gibuhat. May mga apo naman unta kami pero bisyoso lang gihapon. Dili ug dili ko kapasaylo sa ila nga duha. Pero dili mosugot akong bana nga magbuwag mi.Tambagi ko. —Azil

Azil,

Kun sigurado ka nga nahanaw na imong gugma buwag na. Apan kun kini nagpahipi lamang kay natabonan sa imong kalagot, hatagi siya’g laing higayon, sa kundisyon nga siya sinsero. Dili siya makigbuwag kay wala siya’y laing kapaingnan. Ikaw iyang naandan ug nahimutangan, kuyog sa balay, dulog sa kwarto, sawo sa kaon, apan iyang lingaw ug kalipay wala kanimo. Kinahanglan lang ka niya, wala gimahal.

Desidido na ka mobiya, pero dili siya mosugot. Dili kinahanglan iyang pagtugot. Kun mag-agad ka niya, di gyud ka makabiya. Tingali imong problema kay siya dili molakaw sa inyong balay. Busa mapugos ka’g ipon. Duna sab siya’y katungod magpabilin kay inyo man nang balay isip magtiayon. Lagmit edaran na mo kay duna na moy mga apo. Wala na moy angay moagi’g annulment. Basin nitaliwan na mo di pa mahuman ang kaso. Ayaw na usba imong estado nga kasado, imong palibot ang usba aron di ka makandado.  Kun duna kay trabaho, bakasyon palayo, uli sa inyo, bisita sa imong mga higala kaniadto, ipon kadiyot sa imong mga anak kuyog sa imong mga apo. Kun wala na kay trabaho, mas daghan ka’g oras sa imong kaugalingon. Gawas sa inyong balay kay naa diha ang hinungdan sa imong pagmahay.

Ayaw pahigot sa imong bana, lingawa imong kaugalingon nga mora ka’g nibalik pagkadalaga. Inig-uli nimo pasagdi siya, ayaw tagda, padayon sa imong kinabuhi. Puyo kadiyot, unya lakaw na sad kun asa ka malingaw. Mubo na lang ang panahon, ayaw’g antos sa pakyas nga kaminyuon. —Tito Miguel

Magpatambag ka? Ipada kang Tito Miguel: 0998-581-5856

TITO MIGUEL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user