^

Banat Kalingawan

Biya, ayaw pananghid

Tito Miguel - Banat

Dear Tito Miguel ,

Ako si  Alryss,  aduna nami usa ka anak sa akong live-in partner nga si Jan. Pero mura'g napugos ra gyud siya nga mag-uban mi tungod sa among anak. Hinuon makaingon ko nga resulta ni sa akong binuhatan. Ako man gud ang sige'g gukod ni Jan sa una, bisan kahibawo ko nga wala siya'y gusto nako, hangtod nga nahinaykan nga namabdos ko, kay ako man jud ang magpakita og motibo niya. Abi gani nako nga mopilit na siya nako kay naa nami anak, pero mura'g wala ra man diay gihapon. Unsa angayan nakong buhaton, ako na lang siya i-give up? Salamat Tito Miguel —Alryss

Alryss,

Dili kaayo klaro ngano nakaingon ka wala siya mopilit nimo. Nisugot man siya’g ipon, layo pa ba na nimo? Lagmit imo pasabot nag-ipon tuod mo, pero layo iyang buot nimo. Posible napugos lang, basin tungod ug alang sa inyong anak.

Aron ka makahibawo asa ka dapit sa iyang kasingkasing, biya, lakaw, palayo. Ayaw panamilit. Kun pangitaon ka, lagmit duna siya’y gipahipi nga gibati kanimo. Diha na siguroha ngano nangita siya, tungod kay gusto siya mobalik ka o natingala lang siya ngano nahanaw ka. Diha na pangutana kun asa ka dapit sa iyang kinabuhi, kun kaniya duna ba kay mapaabot nga kaugmaon. Apan siguroha ikaw mismo iyang gipangita, dili ang inyong anak. Kay kun tungod lang sa bata ngano siya nangita, kaniya inahan ra ka sa iyang anak, dili niya kapikas.

Kun mura la’g wala’y nahitabo sa imong paglakaw, buot pasabot wala siya’y gibati nga kahaw-ang sa imong pagkahanaw. Diha na ka angay mosurender. Kay sa tanang matang sa relasyon, dili gyud angay ipamugos sa uban ang imong kaugalingon.   —Tito Miguel

Magpatambag ka? Ipada kang Tito Miguel: 0998-581-5856

DEAR TITO MIGUEL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user