^

Banat Kalingawan

Dili nimo kontrolado

Banat

Dear Tito Miguel,

Maayong adlaw! Ako si Ryle, four months nami sa akong girlfriend nga si Tessa. Akong problema ron kay dili jud uyon ang iyang barkada sa akoa kay chix boy daw ko. Moangkon ko,chix boy ko sa una pero nausab na sukad pag-uyab namo ni Tessa. Unsa akong buhaton para dili dayon masulsolan si Tessa sa iyang barkada?

Ryle,

Dili ka kapugong sa sulsol sa iyang barkada, naa silay kaugalingon nga hunahuna ug desisyon. Ila kini gibuhat kay nabalaka lang sila, basin binuangan ra nimo ilang amiga. Dili sab nimo sila mabasol kay duna man kay binuhatan sa una.

Sulsolan gyud nila imong uyab, kun mahimo gani babagan pa inyong relasyon o agnihon siya nga biyaan ka. Akong balikon, dili ni nimo kontrolado. Busa pasagdi.

Ang angay nimo buhaton ipakita kanila, labi na gyud sa imong uyab, nga ikaw nausab na. Ipamatuod kanila nga wala na kay laing babaye sa imong kinabuhi kun dili siya lamang. Apan siguroha sinsero ug matinud-anon ka, tungod kay hingpit nimo siya nga gihigugma. Kay kun gusto lang ka moprobar kanila, apan kontra gusto kay naa na kay laing gusto, imong katuyoan dili gihapon insakto.

Ipasalig sa imong uyab nga wala kay buhaton nga makapasakit kaniya. Apan ayaw basola kun dili siya motuo sa imong pulong diha diha dayon. Ingna nga paniid lang sa imong lihok ug binuhatan, kay diha masusi ang tinuod nga kamatuoran. Basin mangutana ka duna diay kamatuoran nga dili tinuod? Oo, kini ang paghimo sa bakak ngadto sa tinuod pinaagi sa pangilad ug panglingla.   —Tito Miguel

Magpatambag ka? Ipada kang Tito Miguel: 0998-581-5856

TITO MIGUEL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with