_banat
^

Banat Kalingawan

Pwersang legal

Banat

Dear Tito Miguel,

Unsa akong buhaton aron mohunong na akong ex-boyfriend sa pagsige og samok-samok nako? One year kapin nami nga  nagbuwag . Ganahan siya makigbalik pero dili nako. Bisan unsaon nako og prangka, dili gyud kasabot, hasta ang uban nako friends kay iyang hasulon o sugoon para magbalik mi.  — Leah

Leah,

Kun sigurado na ka nga kaniya manirado, apan siya sige pangabli’g kandado, nakahasol na kanimo, imong klarohan apan dili gihapon mopatuo, kinahanglan ni siya’g puwersa sa legal nga pamaagi. Iyang gibuhat unjust vexation ang tawag sa balaod. Konsulta’g taga barangay, pulis o dili ba kaha abugado aron imong masiguro.

Sa otoridad mahimo nimo ireklamo, dili kay imo siya ipapreso, apan aron lamang makita niya nga ikaw seryoso. Kun makadawat siya’g suwat nga gipatawag siya sa barangay o dili ba kaha gikan sa abugado, siyaro’g dili siya moundang pamugos nimo. Kun mamugos gihapon, mahimo gyud nga ang kaso imo iduso’g ipadayon.

Apan kun dili ka gusto’g kaso kay basin ma-iskandalo mo, iyang ginikanan o igsuon ba kaha ang angay nimo dangpan. Pasabta sila sa inyong sitwasyon, nga buwag na mo apan ilang anak o igsuon dili makadawat sa kamatuoran. Patabang nila’g badlong aron siya mohunong.

Posible dili maminaw, mosamot na hinuo’g gukod nimo. Iyang gibati lagmit dili na gugma, obsesyon na. Iyaha rang gusto nga siya ang mananaog sa uwahi, dili pa nga ikaw ang ganti, apan aron lang sa uban ug sa iyang kaugalingon iyang ikapasigarbo nga wala siya gibiyaan nimo.

Busa pagmatngon, ayaw buhi’g mga pulong nga kaniya makapa-insulto o makapaubos sa iyang pagkatawo. Basin unsa pa unya iya buhaton. Kun wala siya’y paminawon, hilom lang, isalig na sa legal nga proseso ang tanan. Dangop sa otoridad, patabang kun kinahanglan aron imong kaugalingon mapanalipdan. —Tito Miguel

Magpatambag ka? Ipada kang Tito Miguel: 0998-581-5856

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with