_banat
^

Banat Kalingawan

Ayaw paklaro

Tito Miguel - Banat

Dear Tito Miguel,

Ako si James, taga Ormoc, City. Akong problema kay magsige mi'g away sa akong asawa kay naa may magsige og panawag niya nga lalaki magabii. Kun mangutana ko kinsa, masuko man, awayon man hinuon ko. Ako lang gipanid-an iyang mga lihok.

Tambagi ko unsa ako angay buhaton. Salamat kaayo.  —James

James,

Kun gusto ka makahibawo sa kamatuoran, ayaw paklaro duna kay gidudahan. Kalma lang, ayaw pangutana aron mokompiyansa. Kun sige ka’g duda, siya magmatngon. Di na nimo mabasa iyang lihok hinuon.

Kun dunay lain, mausab iyang pattern. Sakto imong gibuhat, paniid lang. Mananghid gyud nga molakaw, kunohay makigkita sa higala o pamilya. Ayaw pangutana, pasagdi. Kay makalusot man kausa, maanad na’g magsalig, mousab pa’g kadaghan. Hangtod siya mismo sa iyang lihok mopatumaw sa kamatuoran, maski wala nimo gi-imbestigaran.

Apan posible dugay pa nimo madiskubre. Kun duna kay katakos, pagkuha’g detective nga mosunod sa tanan niyang lihok. Dokumentado pa ug dili siya makalimod. Ayaw pangunay’g sunod kay basin naa kay masaksihan, imong kaugalingon dili unya mapugngan.

Kun wa kay ikabayad sa detective, ikaw nay diskubre. Lagmit iyang cellphone sirado, sa password gikandado. Suwayi’g huwam, kunohay no batt ka o walay load. Kun magdumili, duna gyud siya’y laki. Kun limpyo ang telepono, iya kini itunol kanimo mismo.

Ayaw na’g pangutana, ingna nakasabot na ka, duna siya’y ikaduha. Molimod gyud na, pangitai’g ebidensiya, ipaabli ang telepono. Tan-awa ang mga mensahe. Kun limpiyo, ipatawag niya mga numero nga sa gabii pinakaaktibo. Ipa speaker phone, inig tubag paminawa unsay pulong, posible naa diha ang sikretong gikumkom. Lagmit di mosugot, kahibawo na ka unsay buot pasabot. Pili lang, magsige lang ka’g sabot o angay na ba siya ipalagpot, human nimo’g hatag sa higayon nga mokumpisal, maghinulsol ug sa kaligdong motultol. —Tito Miguel

Magpatambag ka? Ipada kang Tito Miguel: 0998-581-5856

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with