_banat
^

Banat Kalingawan

Balibad og tarong

Banat

Dear Tito Miguel,

Senior citizen nako, pero ingon sila batan-on pakong tan-awon. Nagkadugay ang quarantine, nagka grabe akong mga facebook friends nga mga daddy sab sama nako. Nagpantasya kuno sila sa akong mga post. Naa koy amigo nga taga Manila, iya kunong gi-imagine akong photo nga nag-t shirt ug shorts man unta ko. Minyo na siya, ug naay mga anak. Chummy gyud mi before, pero karon nausab na akong pagtan-aw niya, sukad nga gi-imagine kuno niya akong mga pictures sa facebook. Moari siya sunod semana. Nagduhaduha na hinuon ko og makigkita ba ko. Help! —Salvador del Mundo

Salvador,

Mao nay giingon may asim pa. Kun higala ra mo, walay dautan nga magkita mo sa personal. Apan problema dili ka kumportable kay naa siya’y pagnanasa nimo. Klaroha unsa iyang tuyo, kay kun wala’y malisya, mahimo ra mo magkita mong duha.Apan lagmit duha imong gikahadlokan ngano nagduha- duha ka’g pakigkita niya. Una, sa iyaha kay nakagusto nimo. Ikaduha, sa imong kaugalingon kay basin dili ka makabalibad sa tentasyon.

Mahimo ra man unta kamo magduwa-duwa, suwayan asa taman inyong mga pagpaparamdam. Apan ang problema kay siya minyo ug dunay mga anak. Delikado, lagmit ikaw mahisugamak ug imo ug iyang  pamilya mabuak. Bawal na gyud mo mangabli’g pamilya nga gikandado. Ayaw sugdi’g mugna ang relasyon nga dili puwede.Kay nalain man imong pagtan-aw niya, igo na kini nga rason nga sa pakigkita dili ka mopadayon. Dili man ka kumportable, ayaw na’g atras abante. Balibad og tarong. Gani, duna kay lig-on nga rason. Pandemya pa di ba, siya gikan sa kaulohan basin magdala’g korona apan walay trono, unya imong dangatan sa nitso simbako. —Tito Miguel

Magpatambag ka? Ipada kang Tito Miguel: 0998-581-5856

FACEBOOK
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with