_banat
^

Buhat pasultiha

(Banat) - June 18, 2021 - 12:00am

Dear Tito Miguel, 

Ako si  Danica , 21 years old. Akong uyab nga si Niño kay naa nay anak sa una niya nga uyab. Akong problema ron kay dili madawat si Niño sa akong pamilya tungod sa maong sitwasyon. Unsa akong buhaton para makumbinser nako akong ginikanan nga dawaton akong boyfriend? Salamat kaayo Tito.— Danica

Danica,

Masabtan ngano wa kauyon imong ginikanan sa imong uyab. Sa imong edad, nahadlok sila nga basin mapareha ra ka sa iyang uyab sa una, gipamabdosan ug gibiyaan. Busa ayaw sila supaka. Apan ayaw sab sunda, kun ikaw tiunay nga nahigugma. Istoryahe sila kausa, ingna nga nakasabot ka sa ilang pagdumili, tungod kay dunay kagahapon imong uyab. Apan kini dili na mausab. Pero iyang karon ug ugma puwede pa. Hangyoa sila nga hatagan mo’g higayon modiskubre sa inyong kaugalingon, kun asa taman inyong kapalaran. Pero ipasalig nga ikaw magmatngon, nga wala kay buhaton sa dili insaktong panahon. Gani walay kasegurohan nga kun walay sabit imong uyab, di mahitabo ilang gikahadlokan.

Lagmit dili mausab ilang hunahuna. Ayaw pugsa. Human na man ka’g istorya nila, sa pulong ayaw na kumbinsira. Buhat ang pasultiha. Hagit kaninyong duha ipakita nila nga para mo sa usa’g usa ug dili mahitabo ang gikahadlokan nila.

Kun ilang makita nga ikaw malipayon, ug imong uyab kanila pabilin nga matinahuron maski kahibawo siya nga wa sila kauyon, sa inanay makita nila nga dili ka magmahay. Karon kun mahitabo ila’ng gikahadlokan, pag andam nga ikaw paninglan. Molanog ang mga pulong nga gipasidan-an ka bitaw, wa gyud ka maminaw. Busa angay ka magmatngon aron di ka nila manawong, padayon sa inyong relasyon apan ayaw ihatag imong kaugalingon. Pagpaabot sa insaktong panahon. Samtang kamo nagpadayon, wa ka kahibawo ikaw mismo mausab o dili ba kaha dunay mahitabo nga kanimo makapaatras dayo’g lingkawas.  Tito Miguel Tito

Magpatambag ka? Ipada kang Tito Miguel: 0998-581-5856

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with