_banat
^

Suwayi’g Padayag

(Banat) - June 11, 2021 - 12:00am

Dear Tito Miguel,

Ako si Kurt, taga Labangon. Akong problema ron kay na-develop ko sa akong amiga nga si Maine. Dili ko makadiskarte niya kay daan na siya nag-ingon kaniadto nga dili siya puwede nga maka-uyab og barkada.Nahadlok ko manguyab niya kay basin mao na ang rason nga maguba ang among friendship. Unsa akong buhaton, Tito Miguel? Salamat. —Kurt

Kurt,

Sa pulong, dili siya manguyab og amigo. Kaniadto, apan lagmit karon nausab na. Bisan pa wala mausab, dili pasabot di na maibot. Walay ilhon ang gugma kun moigo na. Gani mas maayo nagsugod mo isip managhigala. Kun mausab inyong pagbati sa usa’g-usa, dili na kinhanglan mag-ilhanay pa, palawman na lang unsa inyong nahibaw-an. Sama karon nga na develop ka niya, dili ba wa sad nimo damha? Posible mahitabo na niya.

Tingali iyang rason kay bakikawan siya, ang barkada sige la’g kantiyaw ug bugal-bugal, unya kalit lang mausab inyong tinagdan sa usa’g-usa? Busa suwayi la’g padayag, paminawa’g bakikawan ba.

Lagmit sa primero makugang, posible mokatawa o pahinumdoman ka sa iyang patakaran. Ayaw’g atras, kay kun sa tago naganahan na sad siya nimo, iya ra nang depensa aron di siya mauwaw mokaon sa iyang mga pulong. Kinahanglan lang nimo siya kumbinsihon nga walay dautan kun mausab inyong sitwasyon.

Apan kun wa gyud siya makagusto nimo, mobalibad na sa insakto. Ayaw pamugos, kay diha mahitabo imong gikahadlokan, ang inyong panaghigala mawagtang. Ingna imo lang gisuwayan, kay di ka gusto magmahay nga wala kay gibuhat sa imong gibati ngadto kaniya. Ipasalig nga moundang ka panguyab aron lang di makumpromiso inyong pagka amigo.

Pero lagmit mausab na iyang tinagdan nimo. Ayaw kabalaka, buot pasabot natandog siya. Wa ka kahibawo iya ra kang gihagit ug gisuwayan kun asa ka taman. Pili lang, nisugal ka’g kab-ot apan nipalayo, o nagpabilin siya nga haduol pero dili nimo makab-ot.  —Tito Miguel

Magpatambag ka? Ipada kang Tito Miguel: 0998-581-5856

TITO MIGUEL
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with